PNTL La Autoriza Vizitantes Ba Vizita Cristo Rei, Tanto Dolokoan

Polisia Nasional Timor Leste (PNTL) tranzitu no mos Unidade Polisia Maritima (UPM), la autoriza vizitantes atu selebra tinan foun iha Cristo Rei tanto dolokoan, tamba nee vizitantes sira sei fila fali deit bain hira too iha Rotunda Area Branca. (Foto: STL/Claudios de Jesus)

DILI, STLNEWS.co – Polisia Nasional Timor Leste (PNTL) tranzitu no mos Unidade Polisia Maritima (UPM), la autoriza vizitantes atu selebra tinan foun iha Cristo Rei tanto dolokoan, tamba nee vizitantes sira sei fila fali deit bain hira too iha Rotunda Area Branca.

Ohin loron dia 2 Janeiru 2021, ema hotu selebra Ano Novo, hanesan antes-antes ona Familia ida-idak iha Planu hodi selebra Ano Novo iha Cristo Rei (CR) no mos Dolokoan, maibe sira nia planu la konsege realita, tamba Polisia Nasional Timor Leste (PNTL) la autoriza vizitantes atu bele halo piknik iha Cristo Rei tanto Dolokoan.

Ho nunee seguransa iha area Cristo Rei apertadu tebes, Unidade Polisia Maritima (UPM), no mos Polisia Tranzitu la fo fatin ba vizitantes sira.

Vizitantes sira neebe mak ho objetivu atu selebra tinan foun ho familia sira iha Cristo Rei, PNTL sei haruka sira fila hotu iha Rotunda Area Branca.

Buat hirak nee ho objetivu ida ba prevensaun atu labele iha sirkulasaun Covid-19 ho nunee presiza kolaborasaun no mos komprensaun husi komunidade tomak, atu bele mantein nafatin distansiamentu sosial neebe mak fo sai ona iha Estadu Emerjensia da sia (EE da 9).

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here