PNTL Monitoriza Atividade Bazar Iha Kolmera

Orientasaun husi Komandu Munisipu Dili (KMD), ba Tranzitu Munisipiu Dili, ho Esquadra Vera Cruz hodi monitoriza komunidade sira neebe faan bazar baratu iha area Kolmera, tanba okupa trotoar. (Foto: STL/Claudios de Jesus)

DILI, STLNEWS.co – Orientasaun husi Komandu Munisipu Dili (KMD), ba Tranzitu Munisipiu Dili, ho Esquadra Vera Cruz hodi monitoriza komunidade sira neebe faan bazar baratu iha area Kolmera, tanba okupa trotoar.

Xefe Seksaun Tranzito Municipio Dili, Domingos Sarmentu Gama hatete, nia simu orden husi Komandu Munisipiu Dili, hodi halo servisu hamutuk ho Esquadra Vera Cruz nian, hodi orienta komunidade sira neebe mak faan (Bazar baratu) iha area Kolmera.

“Ita nia komunidade sira balu hatene hela, parese situasaun mak obriga hodi halo Sira finji la hatene, no sira okupa fali trotoar ba ema lao ain, maibe sira uza hodi faan fali,” hateten nia liu husi Konferensia Imprensa, iha Seksaun Tranzitu Munisipiu, Dili, Kinta, 26/11/2020.

Nia hatutan asaun neebe komunidade sira halo iha area Kolmera nian nee bebeik ona no laos foin akontese.

Tanba tinan hira ba kotuk, kuandu tama ona loron bot hanesan natal no tinan foun, sira sempre faan bazar baratu iha area Kolmera no utiliza trotoar hodi faan ba.

“Atu fo hatene deit katak trotoar nee ba ema lao ain sira, laos hodi faan fali sasan, no trotoar neebe mak ita nia komunidade okupa nee regula ona iha kodigu de estrada ba ema Lao ain sira,” dehan nia.*

Reportajen: Claudios de Jesus
Editor: Ekipa STL

LEAVE A REPLY

Please enter your comment!
Please enter your name here