PNTL Prenda Kapasete Latuir Estandar

Komandante Tranzitu Munisipiu Dili, Domingos Sarmento Gama. (Foto: Espesial)

DILI, STLNEWS.co – Polisia Nasional Tranzitu (Poltranz) sei prenda kapasete neebe maka uza la tuir estandar, tanba impaktu ba ema nia vida.

Komandante Tranzitu Munisipiu Dili, Domingos Sarmento Gama hatoo kestaun nee ba jornalista sira, iha nia knaar fatin Caikoli, Dili, Kinta (18/03/2021).

“Konaba kapasete estandar nee iha lei artigo 75 nee proividu, sidadaun hotu-hotu tenki uza kapasete estandar neebe maka iha ou aprova ona, tanba kapasete neebe la tuir nia estandar bele fo impaktu ba ita nia vida bainhira hamosu asidente ou insidente ruma, tanba nee ita sei prenda bainhira haree sira kontinua utiliza helm neebe la tuir estandar neebe iha,” dehan nia.

Nia hatete, realidade komunidade sira maioria sei uza kapasete neebe la tuir estandar, tanba nee sira mos haree ba situasaun neebe agora implenta hela nee, no sira sei sukat ho situasaun agora nee tanba rendimentu ba komunidade mos susar uituan tanba nee sei iha toleransia.

“Signifika la implementa ita tolera, maibe abuza demais ita implenta nafatin tanba rendimentu hola fos la iha, ita hanoin maibe kada ves sira maka abuzu demais, tanba ita sosa kapasete atu salva ita nia vida, laos prense deit rekezitus, hau lao nee kualker kapasete ida mos taka lao ona, i uza kapasete ida neebe salva ita nia vida nee,” hakotu nia.*

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here