PNTL Rejistu Asidente 36 – Isidente 37, Nain 3 Hakotu Vida

DILI, STLNEWS.co – Komandante Polisia Nasional Timor Leste (PNTL) Komisariu Faustino da Costa hatete, iha fulan Janeiru tinan 2021 PNTL rejistu kazu asidente hamutuk 36, isidente 37 no ema nain tolu hakotu sira nia vida (mate).

“Atualiza situasaun seguransa teritoriu nasional ba Prezidente Republika kada semana, situasaun teritoriu nasional lao diak, iha akontesementu balun ke iha semana ida nee nia laran hahu dia 7-13 Janeiru nee mak asidente hamutuk 36 entre asidente sira nee rejulta ema nain tolu lakon vida, fiar katak ita boot sira hatene kazu grave ka fatal iha Bobonaro, ida iha Manufahi hanesan mos ida iha Oecusse, isidente semana ida nee nia laran mos hamutuk 37 mak kazu hatalik aan nomos kazu sira seluk neebe ami aprezenta ba Prezidente Republika,” dehan Komisariu Faustino ba jornalista, bainhira remata hasoru malu ho PR, Palasiu Prezidente Nicolau Lobato, Bairru Pite, Dili, Kinta (14/01/2021).

Nia hatutan, kona ba asidente ou isidente hirak nee nota katak balun, tanba ohin loron tempu udan. Kazu balun kona ba dezastre tempu udan ida, iha Suai, Manufahi, tantu mos iha parte Viqueque.

Komisariu Faustino dehan, asidente sira nee hotu kauza mai husi ema rasik tanba ignora regra, dala ruma lanu mak lori motor no kareta no la uza kapasete, no balun halai laho velosidade nee mak rezulta asidente.

Iha enkontru nee Prezidente Republika Francisco Guterres Lú Olo mos husu PNTL asegura nafatin fronteira no husu atu Polisia Nasional Timor Leste bele halao knaar tuir lei ou Regra neebe mak iha.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Penhor Oan Hodi Selu Kost

DILI, STLNEWS.co - Relasiona ho familia kiik ida neebe hela iha Dili, osan laiha atu selu kost, halo nia oan sai penhor ou jaminan,...

Tenke Fo Atensaun Covid-19 Ba Izolamentu

BAUCAU, STLNEWS.co - Padre Manuel Ximenes, SDB husu ba governante sira katak, moras Covid-19 mak ba fatin izolamentu, maibe bolu asintomatiku deit, governu tenke...

Autoridade Lokal Orienta Komunidade Dada Bandeira

DILI, STLNEWS.co - Relasiona ho loron bot 20 de Maiu, autoridade lokal Suku Madohi orienta komunidade sira dada bandeira Timor Leste iha ida idak...
%d bloggers like this: