PNTL Rejistu Kazu Insidente 36

DILI, STLNEWS.co – Portavoz Komando Jeral Polisia Nasional Timor-Leste (PNTL), Superintendente Xefe Arnaldo Araujo informa PNTL konsege rejistu insidente neebe akontese durante semana ida nia laran hamutuk 36.

Nia dehan, primeiru lugar hakarak promulga deit kona ba insidente, neebe maka akontese iha teritoriu Timor laran tomak hahu husi dia 1 to 10 Maiu hamutuk 36.

“Husi total 36 nee ho nia tipu kazu maka hanesan asaltu malu 17, baku malu 5, tuda malu 3, desturbu publiku 1, violensia domestika 9, no tuda kareta ambulansia ida,” dehan nia ba jornalista sira liu husi konferensia imprensa iha nia knaar fatin Caicoli Dili, Segunda (10/05/2021).

Entretantu asidente trafiku hamutuk 8, kanek kmaan nain ida, no kanek grave nain ida neebe maka akontese iha teritoriu Timor laran tomak durante dia 1 to dia 10 Maiu ohin.

Aleinde nee, PNTL mos nafatin husu ba komunidade sira hotu katak, moras Covid-19 kontinua aumenta ba bebeik ho numeru neebe maka as ba bebeik kada loron, tanba nee kumpre ba regra protokolu sira neebe maka fo sai ona husi Ministeriu saude.

“Ita hotu hatene katak governu hasai ona dekretu balun neebe maka forte teb-tebes, atu nunee komunidade hotu hotu bele halo tuir no implementa,” dehan nia.

Portavoz nee hatete, koalia konaba artigu 8, no artigu 10 husi dekretu lei nu. 15/2021 5 de Maiu, primeira alterasaun dekretu lei numeru 14, 21 ba loron 29 Abril, konaba medidas de ezekusaun da deklarasaun estadu de emerjensia.

Nia esplika, sidadaun hotu hotu obrigatoriu tenke tuir exame mediku hidrostiku ou swab, i ba sidadaun neebe maka lakohi atu swab sei iha sansaun, husi Ministeriu Saude sei lori pessoal sira nee.*

Reportajen: Efizenia da Costa
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: