Poltranz Prende Motorizada 100

Komandante Tranzitu Munisipiu Dili, Domingos Sarmento Gama. (Foto: Espesial)

DILI, STLNEWS.co – Durante semana ida Polisia Nasional Tranzitu (Poltranz) konsege prende motorizada kuaze 100, tanba kontra regra neebe iha ou la iha karta kondusaun.

Komandante Tranzitu Munisipiu Dili, Domingos Sarmento Gama hatoo kestaun nee ba jornalista sira, iha nia knaar fatin Caikoli Dili, Kinta (18/03/2021).

“Semana ida nee prende motor kuaze 100 resin, balun konsege selu, no balun parese osan siedauk iha neebe seidauk selu, oras nee seduak foti sira nia motor, no balun ba banku selu ona no ami entrega fali sira nia tranporte, tanba sira nee kontra regras sira neebe mak iha, ou balun konduz motor maibe laiha karta kondusaun tanba nee maka ita prende,” dehan nia.

Nia husu ba komunidade sira, neebe maka la iha nesesidade esensial la bele sai, atu nunee bele evita aan husi situasaun sira hanesan nee.

“Atu evita hadaet Covid-19 nee, no pior liu lao karta kondusaun la iha kapasete, no kontra sinais tranzitu sira, kona ba balun neebe dokumemtus mate iha tempu sanitaria sei ita tolera, maibe ba infrasaun seluk la merese atu tolera ita foti medidas, atu eduka ita nia povo, selae la bele halo movimentu roda diariu ba mai,” dehan nia.

Domingos afirma, situasaun agora dadaun vida defisil tebes no sira mos husu ba komunidade sira atu komprende situasaun nee, i nafatin respeitu regras sinais neebe koloka ona, respeita sinais estrada, i lei sira nee tanba ida nee mos kondena fali iha situasaun defisil nia laran nee.

Reportajen: Efizenia da Costa
Editora: Carme Ximenes

LEAVE A REPLY

Please enter your comment!
Please enter your name here