Prizaun Becora Loke Hikas Atividade Vizita Ba Dadur

DILI, STLNEWS.co – Antes nee Prizaun Becora suspende vizita familia ba dadur sira iha prizaun, tanba situadaun Covid-19 maibe agora loke hikas ona.

“Atu divulga ba ema hotu katak, hahu segunda feira (26/ 07/ 2021) formalmente sei loke atividade vizita familia nia ba ita nia maluk populasaun prisional sira tuir orariu anterior,” dehan Diretor Prizaun Becora João Domingos ba STL, Sesta (23/07/2021).

Nia hatutan, maibe hotu hotu tenke sujeita ba regra OMS nian, nudar aktu prevensaun surtu Covid-19.

Nunee oras nee dadaun, totalidade kondenadu iha estabelesimentu prizional Becora, prizaun kondenadu 411, krime droga nain 3, Indonesia 1, Timor leste 1, Filipina 1.

No prizaun preventiva 125, no hamutuk 536. Simu ona vasinasaun AstraZeneca ho Sinovac hamutuk nain 515. Seidauk simu vasinasaun hela deit nain 21 ho razaun nain 1 tinan seidauk too tinan 18 no nain 20 seluk tan moras komplikadu.

Tuir observasaun STL nian katak, antes nee dadur balu no guarda prizional balu hetan moras Covid-19, maibe ikus mai rekoperadu ona.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...