Publiku Sente Konfusaun Ho Servisu, Siguransa Estadu

DILI—Dala barak ona publiku sempre sente konfusaun ho Servisu Siguransa do Patrimonia Estadu.

Tuir  Komunidade  Alberto da Costa katak, dalaruma lakumprende kona-ba Servisu Siguransa do Patrimonia Estadu neebe uluk ho naran siguransa sivil, tanba nee mak halo publiku sente  konfusaun ho servisu seguransa sivil.

Tanba dalaruma iha atuasaun balun hasoru vendedoris sira, ami komunidade sempre hatene nee siguransa sivil nia servisu. Entaun hanesan komunidade ami sei kofusaun ho servisu ida siguransa sivil nian ho Guarda Munisipiu Dili nian,”dehan Alberto ba STL iha Caicoli, Segunda (14/3/2017).

Tanba nee katak, Alberto, governu tenke esplika lolos kona-ba servisu siguransa sivil nian, atu nunee publiku tomak bele hatene funsaun ka knar siguransa sivil nian lolos mak neebe.

Selae halo publiku mos konfusaun ho Guarda Munisipiu Dili nia servisu nee saida, siguransa sivil nia servisu nee haree liu ba iha area saida.

Atu nunee publiku labele naran haree sala fali ba servisu sira neebe halao iha publiku.

Hatan ba konfusaun nee, Direitor Nasional Servisu do Patrimonia Estadu, Francisco Soares da Silva husu, ba publiku tomak labele sente konfusaun ho servisu siguransa do patrimonia estadu.

Tanba, uluk los duni servisu ida nee naran siguransa sivil, uluk mos sempre halaoo servisu ho Guarda Munisipiu Dili ho PNTL hodi halo operasaun.

Maibe agora ami nia dirasaun ida nee halao’o nia knar ba deit iha patrimonia estadu nian deit, nebee ami mos muda ona naran siguransa sivil ho naran siguransa do patrimonia publiku.

Tuir nia katak, uluk dehan siguransa sivil mak sempre halo operasaun iha Dili laran, maibe agora nee naran siguransa sivil mos laiha ona, sira nia servisu focus deit ba siguransa ba sasan estadu nian.

Nee mak desde husi tinan kotuk, sira latun ona ba tereinu hodi fo apoio ba iha operasaun sira iha Dili laran.Tanba governu muda ona naran entaun sira nee mak sei toma konta siguransa ba iha sasan sira hotu iha kada instituisaun governu nian.

Husi biban nee STL koko halo konfirmasaun ba iha pessoal siguransa do patrimonia estadu, maibe siguransa sira rasik lakohi fo nia komentariu. Sonia Ferreira/Joao Fatima

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...