Sai Negosiante, Tenke Prontu Hasoru Dezafiu

Sai negosiador nee la fasil, hakarak atu mantein negosiu lao ba oin, tenke prontu hasoru dezafiu ou situasaun saida deit. Liliu hanesan COVID 19 ida nee ho fuan boot, tanba situasaun nee halo ema barak nia negosiu tun no balun tenke taka. (Foto: STL/Domingas Gomes)

DILI, STLNEWS.co – Sai negosiante nee la fasil, hakarak atu mantein negosiu lao ba oin, tenke prontu hasoru dezafiu ou situasaun saida deit. Liliu hanesan COVID 19 ida nee ho fuan boot, tanba situasaun nee halo ema barak nia negosiu tun no balun tenke taka.

Lia hirak nee hatoo husi loja nain MH Shopee, Honoria Barreto ba STL iha Timor Plaza, Tersa (20/10/2020) foin lais nee.

“Hanesan negosiante tenke pasensia no brani lakon, bainhira la hetan vizitante no menus rendimentu. Tanba agora dadaun rendimentu neebe tama la hanesan ho tempu neebe uluk sei normal. Rendimentu neeba tama antes covid mosu, fulan ida mais ou menus hetan $800, maibe agora fulan ida hetan deit $450,” nia tenik.

Nia hatete, rendimentu la hanesan baibain, tanba kliente barak mak tau importansia liu ba sasan neebe mak presiza, duke sasan sira neebe tuir loja nain nia hakarak.

“Hanesan negosio ita mak tenke matenek hodi analiza no buka estratejia hodi hatene saida mak merkadu presija iha tempu covid nee. Liliu hanesan sanitasaun ba liman, maskra no face slide. Tanba ita faan ropa iha tempu covid nee la folin ida. Needuni tenke muda mindset ka ita nia hanoin hodi halo negosiu seluk neebe mak merkadu presiza,” nia dehan.

Honoria hatutan, bainhira faan nafatin ropa, pasta no sapatu, nee kliente laiha. Tanba ho situasaun pandemia nee, konsumedores sira mos matenek hodi kompara sasan neebe mak sira. Ho situasaun nee presiza muda hanoin hodi faan fila fali maskra, sanitasaun liman no mina morin.

“Ba morin nain sira sempre hakat mai ami nia fatin no kliente iha nafatin, maske la hanesan uluk antes pandemia. Maibe agradese tanba rendimentu iha nafatin,” dehan Honoria.

Reportajen: Domingas Gomes
Editor: Ekipa STL

LEAVE A REPLY

Please enter your comment!
Please enter your name here