SEPFOPE Gasta U$ Millaun 8 Ba Prozetu Empregu Rural

DILI – Iha tinan nee (2016) governu liu husi Sekretairu Estadu Politika Formasaun Profesional Empregu (SEPFOPE), gasta osan hamotuk U$ Millaun 8 ba prozetu empregu rural. Total prozetu hamotuk 21 neebe lao iha iha Teritoriu tomak.

Kestaun nee fo sai husi Diretur Jeral SEPFOPE Jacinto Barros Gusmao ba STL, Kuarta (12/10/2016) iha Caikoli Dili.

Hau hanoin prozetu empregu rural nee laos ita foin halo iha tinan ida nee nia laran maibe prozetu nee lao diak no kleur ona, tanba nee iha ida nee nia laran governu gasta osan U$ Millaun 8 ba prozetu empregu rural, hamotuk 21 neebe lao ona iha Teritoriu tomak, no iha tempu badak ita sei ba halo inagurasaun,” informa DJ SEPFOPE Jacinto Barros.

Nia dehan prozetu 21 neebe maka lao, hare ba iha Turismu komunitariu, Estrada rural, no hare mos ba abrigu rezistensia, tanba fatin sira nee presiza tebes atu dezenvolve halo diak. Nia dehan, Prozetu empregu raral nee atu fo servisu, ba ema sira neebe maka kbiit laek, no servisu uza ekipamentus manual tuir kapasidade neebe maka povu iha, maibe atu garante kualidade maka parte Ministeriu Obras publiku nia servisu, laos SEPFOPE.

Iha parte seluk Reprezentante povu iha uma fukun Parlamentu Nasional, Deputadu Paulino Monteiro mos hatutan, prozetu empregu rural neebe maka lao iha munisipiu sira nee diak, tanbe bele loke servisu ba povu iha area rural. Informasaun kompletu iha STL Jornal no STL Web, edisaun Kinta (13/10/2016). Madalena Horta

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...