SEPFOPE Ho Alemanha Lansa Projetu, Kampu Servisu

DILI-Sekretariu Estadu Para Politika Formasaun Professional Empregu (SEPFOPE) ho Governu Alemanha liu husi ajensia GIZ halo lansamentu ba projetu kria kampu servisu no rendimentu  ba joven  iha area rurais.

Tuir Sektretariu Estadu Para Politika Formasaun Professional Empregu, Ilidio Ximenes da Costa katak, iha tinan kotuk SEPFOPE ho Governu Alemanha liu husi ajensia GIZ asina ona akordu. Ohin   tau ideia hamutuk oinsa ajuda hadia no  dezenvolve program nee kria kampu servisu ba povu iha area rurais.

Ita haree numeru dezempregu 11%, tinan –tinan estudante akaba universidade ema nain 15.000 too 20.000. Maibe, laiha kampu servisu tanba nee ho program ida nee bele kria kampu servisu ba joven sira, ’’dehan Ilidio ba jornalista, Tersa (14/3/2017) iha Timor Plaza.

Tuir nia katak, program nee implementa iha setor agrikultura, sentru formasaun sira, oinsa kapasita joven sira. Atu nunee, sira mos iha kapasidade no skill bele kompete kampu servisu.

Liu-liu iha area  investor agrikultura oinsa hadia povu nia moris. Tanba nee, hanoin koperasaun Governu Alemaha iha komitmentu diak tebes, atu ajuda Timor-Leste (TL), ba program Imporove employability income generating opportunities no workshop ba formulasaun planiamentu operasional ba projetu endigo.

Importante SEPFOPE simu ho diak, iha workshop loron rua nee para fohanoin malu buka solusaun.

Hau nia mensajen ba funsionariu katak, laiha problema ida ke labele rezolve, maibe problema no ostaklu dezafiu dezafia ita buka solusaun,’’katak Ilidio.

Nia hatete, projetu nee durasaun tinan hat, karik governu foun mai kontinua nafatin, program nee, diak liu kopera ho sira, foka liu empregu. Atu nunee kria kampu servisu ba joven sira, maibe projetu nee sei implementa iha tinan oin, hahu husi Munisipiu Baucau, Manatuto, Viqueque, Lospalos.

Iha fatin hanesan Country Cordinator GIZ iha TL, Silvio de Curtins dehan, Governu Alemanha ho TL liu husi SEPFOPE implementa program kria empregu ba joven sira iha area rurais.

Ami prontu kontribui ajuda TL kria kampu servisu ba Timor-oan sira liu husi program empregu investe setor agrikultura no sentru formasaun sira iha area rurais, oinsa bele fo servisu ba Timor-oan sira,’’katak Silvio.

Nunee mos Vise Prezidente CCI-TL Joao Alves hatete, Governu Alemaha kopera ho SEPFOPE implementa program kria kampu servisu ba joven sira iha area rurais importante tebes.

Tanba Governu Alemanha apoiu treinamentu barak ba joven sira laos iha Kapital Dili, maibe too iha area rurais. Nee duni, hanoin tinan rua Timor oan sira iha kapasidade no abilidade prontu bele kompete ho ema estranjeriu sira.

Iha seramonia lansamentu ba program Imporove Employability Income Generating Opportunities no workshop ba formulasaun planiamentu operasional ba projetu endigo loke direitamentu husi SEPFOPE Ilidio Ximenes ho Country Cordinator GIZ iha TL Silvio de Curtins. Josefa dos Santos/Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...