SEPS Reintrega Uma Kain 60 Iha Sentru Evakuasaun Balide Ba Komunidade

DILI, STLNEWS.co – Sekretariu Estadu Protesaun Sivil (SEPS) liu husi Diretor Nasional Jestaun Risku no Dezastre, Agustinho Cosme Belo hatete, vitima uma kain hamutuk 60 iha Sentru Evakuasaun Eskola 4 Setembru Balide reintrega ona ba sira nia komunidade no sira nia fatin anterior.

Lia hirak nee hatoo husi Diretor Nasional Jestaun Risku no Dezastre, Agustinho Cosme Belo ba jornalista sira iha eskola 4 Setembru Balide, Kuarta (26/05/2021).

“Ohin hamutuk familia uma kain 60 no ema nain 339 bazeia ba rezultadu dialogu neebe maka husi parte Protesaun Sivil ho parseiru sira fasilita halo horisehik, sira deside fila fali ba sira nia komunidade no hela fatin anterior,” dehan Agustinho.

Nia dehan, sentru evakuasaun ida nee ohin taka no familia sira sai husi fatin ida nee. “Ami husi parte governu liu protesaun sivil ho parseiru sira hotu, liu liu iha ajensia Australia no parseiru sira tomak neebe servisu hamutuk, ita taka sentru evakuasaun ida nee,” tenik nia.

Iha fatin hanesan, vitima inundasaun Jeronimo Afonso dehan, durante iha loron 4 fulan Abril sira evakua ba protesaun sivil depois iha loron 7 fulan Abril sira aloka fali mai iha eskola 4 Setembru Balide.

Nia dehan, uma neebe nia hela estragus naton deit, maibe iha uma seluk maka hanehan fali nia uma, maibe ba fali komunidade seluk nia uma nee balun mota estragus total.*

Reportajen: Natalina Lopes/Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: