SS Jardim 12 Novembru Kontinua Rame

DILI, STLNEWS.co – Maske governu implementa ona Serka Sanitaria (SS) hodi bandu komunidade sira halo movimentu ba mai, maibe iha jardim Igreja Motael oin komunidade sira kontinua halo movimentu ba mai hodi halo jinastiku.

Tuir observasaun STL iha Igreja Motael oin Domingu lokraik (02/05/2021) katak, maske governu oras nee bandu ema hodi halo movimentu, maibe iha fatin refere iha tempu lokraik komunidade sira kontinua iha.

Balun kumpre regra hodi taka maskra mak halo jinastiku, maibe balun laiha konsiensia no kontra regra neebe mak hatoo husi Organizasaun mundial Saude nomos Ministeriu Saude lataka maskra no laiha distansia.

Nunee mos iha estrada publiku diresaun husi Palasiu Prezidente oin ba Comoro, maske laiha transporte publiku hanesan mikrolet sira, maibe transporte sira mos kontinua halo movimentu hanesan babain.

Serka Sanitaria bandu halibur malu liu ema nain 10 ba leten, laiha misa no eskola maibe la bandu komunidade atu ba hola nesesidade bazika. Bele ba klinika no fatin neebe mak urjensia seluk, maibe presiza uza maskra no fase liman, hodi nunee bele prevene Covid-19.*

Reportajen: Emerenciana Pinto
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: