Susar Kontrola Distansia Sosial Ba Komunidade

DILI, STLNEWS.co – Autoriedade Lokal iha suku Comoro, susar atu kontrola distansia sosial ba iha komunidade, bainhira sira halibur foti aihan ruma.

Kestaun nee hato husi Xefe Suku Comoro, Eurico da Costa de Jesus ba STL, iha nia knaar fatin sede Suku Comoro, Dili, Tersa (25/05/2021).

Nia dehan agora serka sanitaria komunidade sira la kumpri buat ida deit mak distansia sosial, ida nee susar la halimar, maibe sira seluk hanesan fase liman ho sabaun, utiliza maskra nee sira uza.

“Distansia sosial nee susar atu kontrola, tanba bainhira ita halibur ema hanesan atu foti ai han ruma iha dalan ita haree katak, ema barak mak fan sasan iha dalan ninin ita la konsege atu kontrola distansia sosial,” tenik nia.

Nia hatutan, kona ba situasaun jeral iha suku Comoro liu liu ba problema ekonomia neebe iha suku Comoro infrenta ba komunidade sira nee loos duni, katak oras nee dadaun tanba serka sanitaria labele halo movimentu ba mai.

“Agora ami tama ona iha distribuisaun foos ba ema sira neebe mak vitima iha Aldeia 12 de Outubru, Aldeia Golgota. Iha Comoro nee iha aldeia 14, populasaun sira kada loron foti deklarasaun husi sede suku no mos ita nia oan sira neebe eskola husi foho mai hela iha Dili, depois hela iha fatin kos iha ona autorizasaun hodi halo deklarasaun ka pedidu lori ba iha MSSI para hodi hetan aihan,” Eurico salienta.

Iha parte ketak, Xefe Gestor Merkadu Taibessi, Antonio Manuel de Araujo mos hatete, iha merkadu mos defisil atu kumpri distansiamentu sosial.

“Ita koalia kona ba distansiamentu sosial defisil ituan, merkadu nee ita atu evita distansiamentu sosial nee husi neebe, tanba transporte sirkula hela distansia la hetan tiha ona, ita haree hanesan motor bele tula ema rua tolu, ita haree hanesan transporte balu, hanesan kareta neebe mak tama sai tula hela ema rua tolu satan iha merkadu,” dehan nia.

Reportajen: Maria Tavares
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: