Tinan Foun Komunidade Hakmatek Iha Uma

Tinan foun 1 Janeiru 2021, komunidade sira ida-idak hakmatek deit iha uma, evita tur hamutuk, ho nunee bele prevene aan husi moras Covid-19, ho ida nee komunidade sira ida-idak taka odamatan, hakmatek iha uma laran. (Foto: STL/Jacinta Sequeira)

DILI, STLNEWS.co – Tinan foun 1 Janeiru 2021, komunidade sira ida-idak hakmatek deit iha uma, evita tur hamutuk, ho nunee bele prevene aan husi moras Covid-19, ho ida nee komunidade sira ida-idak taka odamatan, hakmatek iha uma laran.

Ba STL, Pascual de Jesus, hanesan komunidade suku Bairo-Pite, aldeia Likarapoma, postu administrativu Dom Alexo, Munisipiu Dili, hatete, selebrasaun tinan foun 2021, la hanesan ho tinan hirak liu ba, tanba ho situasaun pandemia corona virus, tinan nee misa ba tinan foun laiha, evita ema halibur malu, no komunidade sira tenke ida-idak hakmatek iha sira nian uma hamutuk ho familia, balun taka odamatan hakmatek deit iha uma laran.

“Tinan foun ba tinan ida nee, ita la partisipa iha misa, maske natal iha misa, maibe tinan foun nian laiha, tanba kazu pozitivu Covid-19 aumenta, ho ida nee ita ida-idak presiza iha konsiensia oinsa prevene aan husi moras ida nee, uza maskra no fase liman ho sabaun, evita tur hamutuk labele liu ema nain 10, tinan uluk oras nunee sai misa ema hotu hamutuk ho familia ba piknik iha fatin-fatin, maibe tinan nee, ema la sai ba mai, balun karaoke deit iha uma, para selebra tinan foun hamutuk ho familia sira,” dehan Pascual ba STL iha Hudi-Laran Dili Sesta (01/01/2021).

Tuir observasaun STL iha terenu, hahu horseik komunidade sira ida-idak tur iha uma, too hodi kalan sunu deit fugete, no halo karaoke iha ida-idak nian uma, evita tur hamutuk, hodi kumpri distansiamentu sosial, ba prevensaun Covid-19, komunidade balun taka odamatan hakmatek iha uma laran.*

Reportajen: Jacinta Sequeira
Editor: Ekipa STL

LEAVE A REPLY

Please enter your comment!
Please enter your name here