TL Hasoru Hela Covid, Merkadu – Loja Oin Latau Bee Fase Liman

DILI, STLNEWS.co – Maske Timor Leste iha hela situasaun pandemia Covid-19 inklui variante Delta, maibe iha merkadu tradisional nomos loja oin sira nee latau bee mos ho sabaun hodi fasilita sidadaun fase liman tuir protukolu neebe iha.

Tuir Reprezentante povu iha uma fukun Parlamentu Nasional, Deputadu Jose Paiseco katak, TL la kumpre ona regras Organizasaun Mudial Saude (OMS), tanba nee bee iha dalan ibun sira nee laiha no iha merkadu laran mos laiha, ema hakarak fase liman ho sabaun, maibe bee mos laiha nee atu fase liman ho saida, fase maran deit ka oinsa, tanba ema la tau ona bee mos hanesan uluk Covid foin tama mai nee, ibstalasaun bee mos nakonu iha fatin fatin, maibe agora laiha.

“Hau hanoin atu prevene povu husi moras pandemia ida nee maka tenke estabelese bee mos iha fatin fatin hanesan uluk, atu nunee bele fasita ema fase liman bebeik, ita haree iha eskola sira nee balun la tau ona bee mos, serake ita iha hela situasaun Covid no variante delta,” dehan Deputadu Jose Paiseco ba STL, iha Kuarta (25/08/2021).

Nia hatutan maske governu halo hela esforsu boot, atu salva povu husi moras aat sira nee, maibe loja nain sira la tau bee iha loja oin hodi fasilita ema fase liman, no governu mos la tau ona bee iha merkadu sira nee hanesan uluk, maka susar atu redus numeru Covid iha rai laran.

Iha fatin hanesan, Deputadu Domingos de Carvalho hatutan, nee failansu governu nian, tanba fou-foun Covid foin tama, sira tau bee iha profile trakadu iha merkadu laran sira nee, hodi fasilita ema bainhira tama iha merkadu laran tenke fase liman uluk, maibe agora dehan numeru Covid sae, ema mate barak, maibe knaar governu nian santai deit, bee mos iha merkadu laiha no iha loja oin sira nee mos barak la tau ona, tanba falta kontrolu husi governu.

Tuir observasaun STL nian iha terenu hare katak, uluk parte SAS tau ona tangki profile iha dalan ibun hodi fasilita povu sira fase liman, no loja balun mos prepara bee mos bain hira komprador atu tama ba loka laran hodi sosa sasan tenke fase liman uluk no uza mos maskra, maibe agora kuaze loja balun deit maka sei estabelese, maioria la tau ona bee mos ho sabaun iha loja oin.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: