Transporte Publiku La Halai, Ema Halo Movimentu

Iha loron Tersa (09/03/2021) nee, transporte publiku, liu liu bemo ka mikrolete la halai iha kapital Dili, maibe kareta privadu no komunidade balun sei halo movimentu. (Foto: Espesial)

DILI, STLNEWS.co – Iha loron Tersa (09/03/2021) nee, transporte publiku, liu liu bemo ka mikrolete la halai iha kapital Dili, maibe kareta privadu no komunidade balun sei halo movimentu.

Tuir Komunidade Comoro, Zacarias Soares katak, dader deit nia haree bemo la halai hanesan loron babain.

“Bemo la halai hanesan loron babain, nee hatudu katak ema trauma ho moras neebe akontese, tanba nee ema mos kumpri regra neebe fo sai husi nai ulun sira, atu labele halo movimentu ba mai,” dehan nia ba STL iha Comoro, Tersa (09/03/2021).

Nia esplika, ida nee hanesan dalan diak ida, maibe husu governu atu fo apoiu hahan ruma ba povu, kuandu prolonga loron. Tanba ema balu hanesan kondutor sira nia moris maka lori kareta, se sira la lori kareta sira labele hetan osan.

Hanesan povu kiik, nafatin husu ba iha parte saude sira, atu serbisu makas hodi bele prevene pandemia nee labele hadaet ba ema seluk.

Tuir observasaun STL nian iha terenu hatudu katak, bemo ho numeru 010, 011, 009, 005, 006, 004, 007, no seluk tan, la halao movimentu iha loron ohin.*

Reportajen: Terezinha De Dues
Editora: Domingas Gomes

LEAVE A REPLY

Please enter your comment!
Please enter your name here