Vendedor Faan Modo Iha Dalan Ninin Laiha Distansia Fiziku

Vendedor faan modo Iha dalan ninin area Comoro no Kampung Baru laiha distansia fiziku no balun lauza maskra. Sira faan modo, katupa, tomate, lis, no seluk tan. (Foto: STL/Natalina Lopes)

DILI, STLNEWS.co – Vendedor faan modo Iha dalan ninin area Comoro no Kampung Baru laiha distansia fiziku no balun lauza maskra. Sira faan modo, katupa, tomate, lis, no seluk tan.

Tuir observasaun STL nota iha terenu loron Kinta (31/12/2020) katak, vendedor faan modo, katupa no seluk tan, iha area rotunda Comoro no Kampung Baru barak maka laiha distansia fiziku no ema barak maka lauza maskra.

Alende nee mos komparadores sira neebe hola modo, katupa, no seluk tan, sira mos lakumpri regras neebe balun lauza maskra nafatin.

Nunee mos vendedor sira neebe faan modo balun uza maskra no balun lauza maskra.

Maske Covid-19 sae makaas iha nasaun europa no nasaun vizinu sira, inklui Timor Leste, maibe komunidade barak maka lakumpri regras husi OMS no Ministeriu Saude nian, tanba komunidade barak sei halibur malu iha fatin merkadu no seluk tan.

Polisia Nasional Timor Leste (PNTL) kontinua halo avizu ba vendedores sira katak faan sasan iha trotoar leten no labele faan tama fali ba estrada klaran.

Nomos polisia haruka vendedor sira faan sasan tenki uza maskra no tuur distansia fiziku, labele tur besik malu, nunee mos husi Ministeriu Saude fo avizu ba vendedor no komprador sira tenki uza maskra.

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here