Viola Rezolusaun, PNTL Detein Ema 24

DILI, STLNEWS.co – Ohin loron 02 fulan Maiu, Polisia Komandu Munisipiu Dili, detein sidadaun sira hamutuk ema nain 24, tanba viola rezolusaun governu nian kona ba konfinamentu domisiliariu hodi halo atividade zinastika tuir tasi ibun iha Domingo dader nee.

Tuir Segundu Komandante PNTL Munisipiu Dili, Superintendente Polisia, Euclides Belo katak, Komandu Munisipiu Dili komprimentu rezolusaun governu numeru 45/2021, nunee mos dekretu governu 2021, neebe maka validu ona, no PNTL nia kna’ar maka komprimenta.

“Operasaun neebe komandu PNTL Munisipiu Dili, horseik halao no ohin sinku oras dader, koloka pessoal sira para nafatin garante fatin sira hanesan tasi ibun sidadaun sira utiliza ba desportu, tanba nee ohin dader tuku PNTL kaer sidadaun nain 24 neebe halao exersisiu tuir tasi ibun, no ita sei submete hela ba prosesu identifikasaun prosesual,” dehan Segundu Komandante PNTL Munisipiu Dili, Superintendente Polisia, Euclides Belo iha nia knar fatin KMD, Domingo (02/05/2021).

Euclides dehan, sidadaun sira nee PNTL sei komunika ba parte saude nian
hodi fo teste swab ba sira hafoin maka liberta sira. Atividade patrullamentu nee halao husi Polisia Eskuadra Nain Feto, Eskuadra Cristo Rei, Eskuadra Vera Cruz, sira servisu hamutuk ho forsa rezerva sira hodi halo kapturasaun ba sidadaun sira nee.

Enkuantu iha loron Kinta 29 Abril 2021, governu liu husi enkontru Konselu Ministru aprova ona ho alterasaun governu nia impoin imposizaun konfinamentu domisiliariu jeral ba Munisipiu Dili. Desizaun governu hasai relasiona ho numeru moras Covid-19 iha teritoriu laran, liu liu iha Munisipiu Dili sae makas los iha loron hirak ikus nee. Nunee bandu komunidade sira neebe la iha nesesidade atu sai husi uma, exeptu deit ba sira neebe presiza atu ba ospital, merkadu ka loja material hodi aranja sira nia nesesidade uma laran nian. Konfinamentu domisiliariu jeral ba Munisipiu Dili hahu ona iha 30 Abril sei remata iha loron 13 fulan Maiu 2021.*

Reportajen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: