20 Agostu Husu Ema Hotu Halo Reflesaun, Se Lae Mate Klamar Hamnasa

BAUCAU, STLNEWS.co – Loron 20 fulan Agostu hanesan loron importante, nunee husu ba ema hotu halo reflesaun, se lae mate klamar bele hamnasa.

Liafuan nee Informa husi Sekretariu Estadu Para Asuntus Kombatentes Libertasaun Nasional, Gil da Costa Monteiro Kodigu “Oan Soru” liu husi abertura ba sosializasaun iha salaun Sentru Konvensaun Baucau (CCB – sigla portugues) Vila Antiga Baucau, Sesta nee (20/08/2021).

Nia hatete, ohin loron ema barak tula ibun ba katuas sira neebe mak uluk morteiru kainau rodazen iha sira nia leten, husu atu halo reflesaun ba loron importante loron 20 fulan agostu.

“Hau lakohi koalia kona asuntu ida nee, maibe loron ohin monu iha fatin nee ita labele haluhan leet deit, se ita haluhan deit, mate sira nia klamar hamnasa ita, sira dehan, sira sei moris hela maibe haluhan dadauk ona la temi liu tiha ona loron ida ohin nee,” dehan Oan Soru.

Nia hatutan, loron ohin hanesan loron neebe mos akontese iha Postu Administrativu Hatuberlico, Minisipiu Ainaro, FALINTIL hanesan mos komadante diak deit, mate no lakon kilat hitu loron hanesan nee, tanba operasaun neebe mak komando da luta deside tenke okupa Ainaro atu foti sai kilat, nunee mos akontese iha fatin seluk mos, tanba nee tenke halo reflesaun hodi hanoin passagem sira nee hotu.

Bainhira Timor Leste ukun aan, ba sira neebe mak hatene halo aikose no daun mos tuur iha ohin hodi hateke mai kotuk hateke la hetan.

“Tanba saida hateke la hetan, tanba ita la hamutuk, tanba saida mak la rona, tanba ita lian laek, uluk ema haree hetan, ohin ema haree la hetan, Timor Leste labele sai bebeik hanesan nee,” tenik nia.

Nia afirma liutan, passagem moruk nee komesa mihis ba beibeik no komesa haluhan ona dadaun, Timor Leste autor ba istoria, Timor Leste pro motor ba istoria, maibe kiak ba istoria.

Responsabilidade hotu – hotu nian, labele husik leet deit ba aban bainrua ema seluk basa liman iha ema seluk nia sofrementu moruk nee nia leten, baihira husik hela deit ema seluk basa liman, mais kuandu husik ba herois sira neebe mak mate ona, sira nia klamar mos tanis.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: