ACbit Halo Peskiza Asaun Ba Feto Sobrevivente Iha Caibada

BAUCAU, STLNEWS.co – Asosiasaun Chega ba Ita (ACbit) kontinua halo peskiza asaun partisipativu ba feto sobrevivente husi konflitu pasadu hamutuk nain rua nulu (20) iha suku Caibada, Postu Administrativu Baucau, Munisipiu Baucau.

Lia hirak nee hato’o husi staf ACbit, Sergia Santina Fatima, ba jornalista iha suku Caibada, Sabadu nee (11/09/2021).

Nia hateten, ACbit iha komitmentu lisaun tempu pasadu hanesan ezijensia foti desizaun alternativu ba sidadaun no komunidade, atu halo esforsu priense promesa ba harii futuru diak ba ema hotu.

Nunee ACbit sei nafatin servisu hamutuk ho feto sobrevivente sira inklui autoridade lokal ho organizasaun lokal hanesan Asosiasaun Unidade Feto ba Dezenvolvimentu (A.UFD), sei halo kampaña iha Munisipiu Baucau hodi fo hanoin no lalaok dezenvolvimentu.

“Objetivu husi atividade ida nee mak atu hasae kapasidade feto sobrevivente sira, liga ba akontesementu iha pasadu,” dehan Sergia.

ACbit kontinua halo peskiza asaun partisipativu ba feto sobrevivente husi konflitu pasadu iha suku Caibada, Postu Administrativu Baucau, Munisipiu Baucau. (Foto: STL/Tomas Reis)

Nia hatutan, liu husi atividade treinamentu nee atu hasae sira nia konesimentu, tanba dala barak feto sobrevivente sira laiha lian atu ema seluk rona.

Iha fatin hanesan Xefe Suku Caibada, José Filomeno Agapito Soares Yong, hatete atividade treinamentu nee mos espesifiku tebes ba inan feto sobrevivente sira neebe mak dadaun nee sei moris hanesan sai sasin ba konflitu pasadu, bele konta hikas fali ba foin sae sira.

“Nee katak liga ho situasaun uluk neebe situasaun konflitu funu naruk neebe to’o mai ohin loron,” nia tenik.

Nunee José husu ba sidadaun hotu-hotu fo sentimentu ba inan feto sobrevivente sira, tanba situasaun real neebe mak akontese husi tinan 1975 hahu ho kolonial Portugues nia tempo to’o mai iha tempu Indonezia nian.*

Reportajen: Tomas Reis
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: