ACBIT Oferese Treinamentu Abilidade Moris Ba Feto Sobre Vivente 25

BAUCAU, STLNEWS.co – Asosiasaun Chega ba ita (ACBIT) oferese treinamentu abilidade moris ba feto maluk sira neebe sobre vivente hamutuk nain rua nulu resin lima (25) kuaze maioria feto.

“Partisipa iha formasaun nee kuaze maioria feto hamutuk nain 25, objetivu foka liu ba hodi haforte ita nia feto maluk sobre vivente sira neebe mak durante nee iha uma mahon, nunee atu halo sira forte liu tan liu liu iha abilidade moris eskil no kuinesementu nunee la depende ba ema seluk” dehan staff Asosiasaun Chega Ba Ita (ACBIT), Celestina de Almeida ba STL iha salaun UFD planaltu wainhira remata fo formasaun ba membru sira, Kinta (15/07/2021).

Nia hatutan, husi formasaun nee bele halo sira forte liu tan wainhira hasoru situasaun trauma ruma karik bele uza linguagen neebe mak iha valor atu halo forte liu tan, nunee bele hamriik hanesan ema seluk iha komunidade nia leet firme no luta ba direitu liu liu iha direitu justica sosial.

Celestina hateten, metodu neebe mak aplika iha formasaun nee hanesan konaba saude no trauma nian, tanba materia neebe mak dadaun aplika iha formasaun nee aprende husi Zoom Meeting durante iha tempo serka sanitaria no estadu emergensia.

Iha fatin hanesan, partisipante Lucia do Rego hateten, tuir formasaun ida nee sente kontente, tanba bele hetan ona materia foun no murak ida oinsa mak bele defende aan husi ema neebe hakarak kria problema.

“Hau sente kontente tuir formasaun nee, tanba hetan ona materia foun no murak husi iha nia oferesedor sira, loke ami nia hanoin oinsa mak bele prevene aan husi ema neebe mak hakarak kria problema ho ita,” hakotu Lucia.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...