Administrasaun Baucau Hahu Konsolida No Prepara Loron Proklamasaun

BAUCAU, STLNEWS.co – Diretor Jeral Desentralizasaun Administrativa hamutuk ho Prezidente Autoridade Munisipiu (PAM) Baucau, hahu konsolida komisaun organizadora tinan 2021, no preparasaun planu ba komemorasaun loron proklamasaun independénsia Republika Demokratika Timor Leste (RDTL) ba dala-46 iha Munisipiu Baucau.

Lia hirak nee hato’o husi Diretor Jeral Desentralizasaun Administrativa, hanesan mos Sekretaria Jeral ba Komisaun Organizador loron 28 fulan Novembru tinan 2021, Belarmino Filomeno Neves ba jornalista iha salaun apuramentu Tirilolo, Baucau, Tersa nee (21/09/2021).

Nia hatete, objetivu enkontru iha munisipiu nee, hanesan programa kontinuasaun konaba preparasaun aktividade komemorasaun loron independénsia loron 28 fulan Novembru ba dala-46, neebe tuir planu governu nian sei realiza iha Munisipiu Baucau.

“Atividade ba selebrasaun komemorasaun loron 28 fulan Novembru tinan ida nee, ita sei halao iha Baucau,” dehan nia.

Nia hatutan, objetivu ohin nee komisaun nasional tuur hamutuk ho Prezidente Autoridade Munisipiu, atu ajusta atividade no orsamentu neebe aloka husi nasional ba munisipal atu sai reaponsabilidade ba komisaun organizadora atu halao, nunee komisaun nasional entrega programa tomak ba komisaun organizadora munisipiu, atu realiza aktividade nee, komisaun nasional hein kontrola, kordena no ajuda ba programa neebe mak komisaun organizadora munisipiu labele realiza, mak foin komisaun nasional bele ajuda tan.

Iha fatin hanesan, Prezidente Autoridade Munisipiu Baucau, Olivio Freitas hatete, atividade preparasaun ba komemorasaun loron proklamasaun independénsia RDTL ba dala-46, neebe atu realiza iha Munisipiu Baucau, husu komisaun organizadora munisipal elabora atividades hotu – hotu, preparasaun diak, seremonia saida mak atu realiza iha loron 28 fulan Novembru, tanba hela deit ona fulan ida ho balun, bele ka lae realiza buat hotu.

“Hau husu ba Prezidente Komisaun Organizadora, vise, seksoens sira, asume responsavel ho didiak, saida mak ita bele halo uluk,” katak nia.

Nia mos husu tan ba parte komisaun organizadora sira, bainhira husu ona osan ba programa preparasaun nee, tenke halo aprezenta mos planu, nunee bele hatene osan neebe mak aloka ba komisaun organizadora liu husi munisipiu iha duni rezultadu.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...