Administrasaun Rekursu Hamutuk Ho Asaun Sosial Realiza Ezame Eskrita

BAUCAU, STLNEWS.co – Diretor Servisu Administrasaun Rekursu Umanus Munisipiu Baucau hamutuk ho Diretora Asaun Sosial Munisipiu Baucau realiza ezame eskrita ba kandidatu hamutuk nain sanulu resin ida (11).

Lia hirak nee hatoo husi Diretor Servisu Munisipal Administrasaun i Rekursu Umanus João Bosco Ximenes ba STL iha salaun Sentru Konvensaun Baucau (CCB – sigla portugues) Villa Antiga, Tersa nee (07/09/2021).

“Ohin ami halao ezame teste eskrita ba kandidatu tekniku profesional no kliner nian,” dehan Bosco.

Nia hatutan, kandidatu nain hitu (7) seluk konkonre ba tekniku profesional grau E, enkuantu kandidatu nain haat (4) seluk konkore ba kliner.

Kandidatu hirak neebe mak dadaun tuir ezame ba vaga rua (2), bainhira remata ezame eskrita, sei hein rezultadu neebe mak liu iha ezame eskrita mak sei tuir tan ezame oral.

João haktuir, loron ezame neebe mak determina iha loron 07 fulan Setembru tinan 2021 nee, antes nee taka sai iha publiku no telefone tuir kandidatu sira, maibe iha kandidatu balun neebe mak marka presenza hodi asina tiha, maibe inkomoda fali ba buat seluk labele tuir ezame eskrita nee.

Iha fatin hanesan, Diretora Asaun Sosial Munisipiu Baucau Regina de Sousa hatete, rekrutamentu ba kandidatu hirak nee ba ema nain rua (2), ida tekniku administrativu no kliner nain ida.

“Agora rekruta tan nain rua, tanba ema seidauk kompletu nee mak ami presiza tan nain rua,” tenik nia.

Funsionariu neebe mak dadaun halo knaar iha servisu Asaun Sosial Munisipiu Baucau total hamutuk nain haat (4).*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: