AHDMTL Husu MAE Kria Sistema Votasaun Ba Ema Ho Defisiensia

LIQUISA, STLNEWS.co – Asosiasaun Halibur Defisiensia Matan Timor-Leste (AHDMTL) husu ba governu liu husi Ministeriu Administrasaun Estatal (MAE), liu – liu ba Komisaun Nasional Eleisoens (CNE – sigla portugues) hodi kria sistema votasaun ba ema ho defisiensia sira.

Tuir Diretor Ezekutivu AHDMTL Gaspar Afonso hatete, MAE bele hadia sistema votasaun nian, atu nunee ema ho defisiensia matan bele asesu ba buletin votus rasik, tanba sira nia dekretu lei la fo dalan.

“Ho ida nee mak ita hakarak dehan, ita nia CNE no Servisu Tekniku Administrasaun (STAE) tenke haree ona, laos buletin de votu nee mak print ba letra briler maibe ita bolu dehan template briler, ezemplu tuir medida buletin de votu nia medida nee to’o hira no partidu hira mak iha buletin de votu nia laran, tanba ne’e mak ami iha hanoin ona hakarak koalia ho donor balu atu fasilita ami produs ida nee,” dehan nia iha sede Suku Lauhata, Kuarta nee (08/09/2021).

Nia hatutan, aleinde nee sira mos hanoin ema ho defisiensia matan sira oinsa bele lee no hakarek iha letra briler sira idade adultu, no idade ne’ebé mak tuir ona eleisaun, atu nune’e aban bain rua sira bele asesu, ho ida ne’e sira koalia tanba sira iha faktus no dadus.

Nia informa, kuandu iha seminariu ruma sira sempre aprosima bainhira besik eleisaun sira sempre bolu, ema ho defisiensia ba halo edukasaun sivika konaba ema ho defisiensia iha eleisaun, liu – liu ema ho defisiensia matan no tilun, tanba sira nia direitu durante ne’e seidauk absoluta, tanba ba vota ema ho defisiensia akompana husi familia nomos ho kolega, dalaruma sira bele bosok, tanba dala ruma sira hakarak A sira muda fali ba B.*

Reportajen: Maria Tavares

Editor: Ekipa STL  

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...