Ahi Han Uma 4 Iha Bucoli

BAUCAU, STLNEWS.co – Iha Domingu horiseik loron 10 fulan Outubru tinan 2021, ahi han uma haat (4) iha Aldeia Luliheni, Suku Bucoli, Postu Administrativu Baucau Vila, Munisipiu Baucau, halo sasan uma laran ahi han hotu.

Kestaun nee hato’o husi reprezentante familia vitima, Adolfo Emiliano da Silva ba jornalista iha fatin akontesimentu Aldeia Luliheni, Suku Bucoli, Minisipiu Baucau, Segunda nee (11/10/2021).

Nia konta kronolojia ba akontese insendiu nee, iha loron 10 fulan Outubru tinan 2021 maizoumenus tuku 01:30, husi akontese nee uma nain sira laiha iha uma, hela deit mak labarik kiik sira, mak insendiu nee akontese, nunee vizinus sira tenta atu salva uma haat (4) nee, maibe la konsege. Kauza husi akontesimentu husi sirkuít listrik.

“Ahi han Uma boot nee hotu tiha, monu tuun mai mak daet fali ba uma tolu seluk,” dehan representante familia vitima nee.

Nia hatutan, husi akontese insendiu nee la salva sasan sira iha uma laran, no ahi han hanesan hare kulit, fore rai, osan, no roupa hatais nian.

Iha fatin hanesan, Xefe Aldeia Luliheni Jaime Lemos hatete, informasaun neebe mak iha lokraik loron 10 fulan Outubru tinan 2021 hanesan Autoridade Aldeia, rekolla ahi han uma husi parte loron sae nian, tanba tuir identifikasaun neebe mak iha, fiu eletrisidade nee laos dada husi parte loron sae nian.

“Ahi nee la han husi dalan tama nian nee, maibe ahi nee han fali husi sorin, nee tuir informasaun neebe hau hetan husi vizinu sira, i depois sira mos hasai kedas video balun neebe alin ida hatudu ba hau hare ho matan,” katak Nia.

Nia hatutan, husi akontese nee, familia sira hotu laiha hela fatin, maibe hela mak ferik ida ho labarik aleijadu ida mak hela iha uma okos, nunee seidauk hatene loos bele mos deskonfia akontese insendiu nee kauza husi sirkuít fiu.*

Reportajen: MJ-1

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...