Ai Riin Eletrisidade Iha Uma Oin, Augusta La Asesu Ahi

BAUCAU, STLNEWS.co – Inan faluk Augusta Filomena neebe lokaliza iha Aldeia Badu-ho’o, Suku Triloka, Postu Administrativu Baucau Vila, Munisipiu Baucau, uma iha kedan dalan boot no ai riin eletrisidade iha uma oin, maibe to’o ohin loron seidauk asesu eletrisidade hanesan komunidade sira seluk.

“Hau sente triste, tanba  seidauk asesu eletrisidade, kalan ami sunu deit lilin mak hetan naroman,” dehan Augusta ba STL iha nia rezidensia Aldeia Badu-Ho’o, Suku Triloka, Baucau, Domingu nee (22/08/2021).

Augusta hatutan, difisil tebes atu asesu eletrisidade, maske uma mak iha estrada ninin no ai riin eletrisidade iha kedas uma oin, maibe nee mak realidade iha inan faluk nee nia moris seidauk asesu ba eletrisidade, nunee obriga inan faluk  tenke lakon sentavos lima nulu hodi sosa lilin foin hetan naroman.

Inan faluk nee konta, nia parte too ona fatin EDTL Baucau atu registu hodi dada ahi eletrisidade ba nia uma, maibe hatan ba problema inan faluk nee nian, ekipamentus hanesan prepagu no fiu neebe mak atu dada eletrisidade ba nia uma mak dadaun nee seidauk iha EDTL nia liman.

Iha fatin hanesan, oan husi inan faluk Angelita Veronica Fatima da Costa hatete, konaba seidauk asesu eletrisidade, sente preokupa tebes, tanba iha komunidade balun neebe mak asesu ona eletrisidade hodi uza ba tempu kalan hodi estuda, maibe sira uza deit lilin mak foin hetan naroman oituan hodi estuda.

“Kalan dala ruma hau labele estuda, tanba uza deit lilin, nunee hau sente triste tebes,” tenik Angelita*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: