Aldeia 4 Asesu Bee Mos

DILI, STLNEWS.co – Komunidade iha aldeia hat (4), hanesan Obuk Mil, Lale, Leogol no Zulo Atas, Suku Zulo, Postu Administrativu Zumalai, Munisipiu Covalima, hahu asesu diak ba bee mos.

Tuir Xefe Suku Zulo, Postu Administrativu Zumalai, Munisipiu Covalima, João Lopes de Carvalho hatete, dadaun nee komunidade iha suku Zulo Atas, kompostu husi aldeia hat, hanesan aldeia Lale, Obuk Mil, Leogol, Zulo Atas, durante nee asesu diak bee mos.

“Ita nian komunidade sira iha suku Zulo Atas dadaun nee asesu diak ona ba bee mos nee, maibe iha fatin balun ema tesi koti tiha poli sira nee, entaun dala rruma loron rua tolu bee la sai, hau hanoin buat hirak nee mosu tanba falta kontrolu husi ita nian kompania neebe mak dada bee nee, maibe bainhira kompania ba haree, no bee sai fila-fali hanesan bai-bain,” dehan João ba STL liu husi telefone, Domingu (09/05/2021).

Nia dehan, dadaun nee torneira hamutuk 6 neebe mos komunidade uza bee mos, tanba seidauk dada bee mos nee komunidade sira iha suku Zulo Atas konsumu deit bee posu, maibe agora sira hahu asesu diak bee mos.

Nunee mos komunidade Treziano Bragança hatete, dadaun nee bee mos sai hela deit, entaun kada loron sira uza bee torneira ida nee, ense ba masa, no bidon mamuk sira nee, atu nunee bele uza ba tein, fase roupa, no seluk tan.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: