Aman Nasaun Nain 5 La hamutuk Povu TL Kontinua Triste

BAUCAU, STLNEWS.co – Prezidente Konsellu Veteranus Munisipiu Baucau husu aman nasaun nain lima (5) atu hamutuk, bainhira la hamutuk mak povu Timor Leste kontinua iha triste nia laran.

“Sira tenke muda sira nia hanoin, se la hamutuk ema matenek sei hamnasa sira uluk halo funu ita mak agora goza fali, sira uluk terus nee kiak fali triste,” dehan Presidente Konsellu Veteranus Munisipiu Baucau Fernando Gusmão kodigu “Berdu’u” ba jornalista iha nia rezidensia Vila Nova Baucau, segunda nee (30/08/2021).

Nia hatutan, iha ema balun dehan nai ulun sira halo hanesan nee, nee politika, maibe nee sa politika mak sira halo hanesan nee, uluk funu hamutuk hodi hasoru inimigu sira to’o manan funu iha nasaun ida nee, maibe to’o ohin loron ukun an tiha laos hanoin ba dezenvolvimentu nian, maibe halo fali hanesan nee.

Nia hatete, aman ba nasaun nain hira nee mak kontinua halo hanesan nee hodi fahe malu lakohi hamutuk, nei – neik ba beibeik ema balun sei hamnasa.

“Husik ba, uluk sira hamutuk manan funu agora sira nee beik ita matenek, agora ita halo hanesan nee sira fahe malu,” tenik nia.

Nunee nia husu ba aman nain hira nee hanesan Kayrala Xanana Gusmao, Lere Anan Timur, Francisco guterres Lú olo, Mari Alkateri, no Taur Matan Ruak, atu hamutuk tau hanoin hodi dezenvolve nasaun ida nee, maibe bainhira aman nain hira nee mak kontinua la hamutuk mak sei halo povu Timor Leste nafatin iha triste nia laran.

Tuir nia, durante nee mos halo ona mudansa, maibe seidauk to’o diak, tanba iha balun deit mak lao no balun seidauk lao, nee kauza husi maun boot sira, tanba boot sira fahe malu ba partidu ketak – ketak ho politika neebe la hanesan.

Nia hatete, hanesan maun boot nain hira nee, tenke hatudu unidade ba povu nunee dezenvolvimentu iha Timor Leste lao ba oin.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: