Anin Tornadu Sobu Uma 1

BAUCAU, STLNEWS.co – Anin tornadu sobu komunidade nia uma ida (1) iha planaltu Vila Nova, Aldeia Lutumutu, Suku Tirilolo, Munisipiu Baucau Domingu foin lalais nee, iha loron 19 fulan Setembru tinan 2021.

Kestaun nee hato’o husi vitima dezastre naturais Carlos da Costa Belo ba jornalista iha nia rezidensia planaltu Baucau, Segunda nee (20/09/2021).

Nia haktuir, kronolojia akontesimentu nee, iha loron 19 fulan Setembru tinan 2021 maizoumenus tuku 3:00 loraik, anin tornadu makaas derrepente fo ameasa uluk uma varanda, maibe lakonsege sobu varanda uma nian, maibe tama fali ba uma laran, konsege sobu kalen neebe taka ba uma nee tomak.

“Uma nia nia varanda kleuk deit, nia isin nee mak sobu sai hotu, hodi kalen nee ba monu iha kareta leten,” dehan komunidade Carlos.

Nia haktuir tan, husi akontese anin tornadu nee sura la to’o mimutu ida, maibe sobu kalen neebe taka iha uma leten tomak, no anin lori kalen ba taka tan kareta marka pajero ida iha uma vizinus nian.

Iha fatin seluk, Diretor Servisu Munisipal Protesaun Civil Jestaun Dezastre Naturais Baucau, Nelson Nunes hatete, depois de akontese nee kedas, parte protesaun civil simu informasaun husi lideransa komunitariu sira, no dadaun nee ekipa Jestaun Dezastre Munisipiu Baucau to’o ona fatin halo levantamentu dadus.

“Sira ba ona halo asesmentu uma hira mak hetan estragus, depois mak ami apoiu emerjensia ba vitima sira neebe hetan dezastre,” katak diretor nee.

Nia hatutan, antes nee mos meteorolojia fo sai ona ba komunidade sira, katak iha semana oin mai, anin bo’ot sei mosu hodi fo ameasa ba komunidade sira nia uma, nunee husu ba komunidade prega metin kalen sira neebe mak dadaun nee mamar ona, moris neon nain nafatin, bainhira anin huu makaas sai husi fatin, la bele hetan dezastre.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...