Aparisaun Nain Feto, Sarani Keta Baruk Reza Tersu

SOIBADA, STLNEWS.co – Relasiona ho selebrasaun loron 13 fulan Maiu, Padre Paroku Soibada, Munisipiu Manatuto João Hornai Fernandes hatete, sarani sira keta baruk reza tersu loron-loron, halo penitensia no mos hakribi sala.

Tuir Padre João katak, ohin loron aparisaun Nain Feto Fatima neebe sai hanesan tradisaun igreja lokal iha Timor, neebe hotu-hotu hatene katak iha fatin-fatin parokia hotu selebra Nain Feto nia parisaun iha Fatima, Portugal.

“Neebe Nain Feto hameno hela buat tolu ba ita, sarani hotu-hotu atu keta baruk reza tersu loron-loron, halo penitensia no hakribi sala,’ tenik Padre Paroku Soibada, Manatuto ba STL iha Santuariu Nain Feto Aitara, Soibada, Sesta horiseik (13/05/2022).

Bibi Atan Igreja nee dehan, loron 13 fulan Maiu sarani sira nia devotu, liu-liu sarani sira iha Timor kuaze devotu ba Nain Feto i sira mos valoriza Nain Feto, liu-liu loron 13 fulan Maiu sai hanesan tradisaun neebe Timor oan sira la haluha iha sira nia vida.

Nia informa, tanba nee mak iha fulan Maiu nee sai hanesan tradisaun liu-liu loron 13 fulan Maiu nee lori sira ba komprimenta Nain Feto nia prezensa no parisaun.

Nia mos husu ba sarani sira buka nafatin hakaas aan liu-liu iha ohin loron, tanba tama ona iha mundu globalizasaun neebe buka nafatin atu hakaas atu reza tersu loron-loron.

“Atu nunee ita reza mos ba rai Ukraina ho Rusia, neebe hanesan ohin eukuaristia dehan, ita hakaas aan atu reza, hodi nunee buat ida terseria Guerra Mundial labele akontese hodi halo sofrementu barak ba komunidade no bele afeita mos ba ita nia rai,” nia hakotu.

(mar)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...