Arte Marsiais 6 Iha Baguia Realiza Asaun Komprimisu

BAUCAU, STLNEWS.co – Arte marsiais neen (6) iha Postu Administrativu Baguia, Munisipiu Baucau realiza serimonia asaun komprimisu hametin unidade, husi ohin ba ohin sai ema ida deit iha postu ida.

Lia hirak nee hato’o husi Padre Vigariu Parokial Baguai Sao Jose Operariu Baguia, Padre Salvador Gaspar Florindo ba STL liu husi telefone, Sabadu kalan (04/09/2021).

“Hau bolu sira hamutuk halo ida nee atu labele harii moru kria barreira ba malu, maibe joven presiza harii unidade atu bele lori paz no armonia ba Baguia,” dehan Pe. Salvador.

Amu lulik nee hatutan, objetivu lansa serimonia nee halo asaun komprimisu hametin unidade juventude arte marsiais Postu Baguia oan tomak, tanba dala barak iha motivu seluk kait fali ba arte marsiais hodi kria moru barreira ba malu.

Nunee liu husi asaun komprimisu hametin unidade ba juventude arte marsiais Baguia oan tomak atu harii unidade sai ponte ida neebe forte atu bele lori harmonia.

Amu Padre nee hatete, partisipa iha asaun komprimisu hametin unidade arte marsiais no organizasaun sira iha Postu Baguia Vila tomak hanesan IKS, PSHT, KORK, PADJAJARAN, SERULING DEWATA, no THS-THM.

Enkuantu liu husi telefone Xefe Suku Hae-coni Luis de Oliveira hatete, loron 4 fulan Setembru loron espesial ba povu Timor laran tomak, maibe importante liu mos ba joven sira iha Postu Administrativu Baguia, Munisipiu Baucau, neebe husi arte marsiais no organizasaun ketak – ketak pasa deklarasaun hodi halo komprimisu ba sira nia an husi ohin ba ohin sai ema deit ba postu ida.

“Sira ohin halo ona juramentu ba rai lulik, matebian sira katak, apartir ohin ba ohin sira la halo ona violensia iha Postu Baguia,” tenik Xefe Suku nee.

Partisipa iha serimonia nee, prezidente Kram husi nasional, Diretor Jeral Ministeiru Edukasaun, responsavel arte marsiais neen (6) husi nasional no mos Munisipiu Baucau, Amu Bispu Dioseze Baucau, Padre Parokia Baguia, Komadante PNTL Munisipiu Baucau, inklui autoridade lokal sira.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: