Asidente Aileu Mate 2 Grave 12

DILI, STLNEWS.co – Relasiona ho kareta neebe baku fila iha Maubesi kanek ema nain tolu nulu resin lima (35), husi nain tolu nulu resin lima (35) nee nain sanulu resin rua (12) mak kanek grave no nain rua (2) mak mate.

“Rua mak mate ona, ida mate iha Kinta nee husi Suku Eraulu, ida mate iha Sesta nee husi Suku Hoholau, Aileu nian,” dehan Xefe Suku Eraulu Domingos Madeira ba STL, Liu husi telefone Sabadu nee (04/09/2021).

Nia hatutan, iha Suku Eraulu nian nain tolu (3) neebe kanek grave agora sei kontinua iha ospital, no restu neebe kanek kmaan fila ona ba sira nia hela fatin.

Nia esplika tan, mate ida husi Suku Eraulu Sebastiao Soares, agora dadaun mak familia sira sei lori mate isin ba haloot iha rate neebe prepara ona.

Tuir fontes konfirmadu katak, kanek hamutuk nain tolu nulu resin lima (35) no iha nain sanulu resin rua (12) mak kanek grave.

No fontes nee mos dehan, kondutor agora dadaun iha hela Postu Polisia Ainaro no nia prosesu nee tama ona ba iha Ministeriu Publiku.

Nunee tuir regra neebe iha, antes submete ba prosesu primeiru interogatoriu tenke kumpre uluk horas hitu nulu resin rua (72). No ba iha tribunal mak foin deside medida saida mak bele aplika ba iha kondutor.

Too informasaun nee foo sai, STL konfirma ba iha Xefe Suku Hoholau, maibe nia parte la fo komentariu, tanba numeru mate hela.

Kareta neebe baku fila iha Postu Administrativu Maubesi, suku Horaikiik, Munisipiu Ainaro ho numeru matrikula 54.361.

No tuir infromasaun, kareta nee tula ema ba hafolin feto iha Ainaro, fila mak hetan dezastre.*

Reportajen: Terezinha De Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: