Asidente Trafiku Rezulta Marcal Lakon Vida

BAUCAU, STLNEWS.co – Asidente trafiku entre motor revo ho motor fixion iha area Tribunal Distrital Baucau iha loron 2 fulan Setembru tinan 2021 horiseik loraik, rezulta motorista Marcal de Castro Ximenes idade rua nulu resin rua (22) lakon vida.

Lia hirak nee hato’o husi Segundu Komadante Polisia Nasional Timor Leste (PNTL) Munisipiu Baucau, Superintendente Asistente Jose Casemero de Carvalho ba jornalista iha nia knaar fatin, Sesta (03/09/2021).

Nia hateten, kronologia husi akontesimentu nee iha Kinta, loron 02 fulan Agostu tinan 2021 horiseik maizoumenus tuku 02:50 mosu asidente trafiku iha area Tribunal  Distrital Baucau, rezulta motorista Marcal de Castro Ximenes idade 22 lakon vida, tanba motorista nain rua kondus motor ho velosidade makaas lakon kontrola.

Husi motor rua nee, fixion sapa matrikula 9512 husi diresaun Lospalos mai Munisipiu Baucau motorista naran inisial JF ho idade 28, enkuantu motor revo sapa matrikula 9899 husi diresaun Postu Venilale mai Baucau vila, motorista naran inisial MDCX idade 22.

“Husi asidente nee rezulta vitima Marcal horiseik lori ba Hospital Regional Eduardo Ximenes (Horex) Baucau, maibe la salva nia vida neebe hodikalan kedas,” dehan segundu komadante nee.

Nia hatutan, husi asidente Kinta kalan nee kedas parte investigasaun seksaun tranzitu husu ona orientasaun ba Ministeiru Publiku, husi orientasaun nee prosesu lao nafatin.

Sidadaun neebe mak mate husi asidente nee, entrega ona ba familia hodi halot tuir kultural, tanba hetan ona kordenasaun ho Ministeriu Publiku, enkuantu ida seluk neebe lori motor fixion husi diresaun Lospalos mai Baucau halao tratamentu iha Hospital Regional Eduardo Ximenes (Horex) Baucau, tanba hetan pankada makaas.

Motor rua nee dadaun asegura ona iha Komando PNTL Munisipiu Baucau.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: