Atraza Serimonia Funebre Laiha Intensaun, Somotxo: “Hau Sente La Kumpre Lisaun Neebe Importante”

DILI, STLNEWS.co – Deputadu Bankada FRETILIN Jose Agustinho Somotxo hatete, relasiona ho atraza serimonia funebre saudozu Mauhuno Bulerek Karathayano iha Metinaro, laiha intensaun ruma.

Tuir Deputadu Bankada FRETILIN Jose Agustinho Somotxo, husu ba maluk veteranus sira iha frente armada, klandestina ho frente diplomatika no povu tomak. Laiha intensaun ruma, problema mak sai husi Dili atraza ho engarafamentu halo tarde to’o iha Metinaro.

“Laiha intensaun ruma, problema maka hau sai husi Dili atraza ho engarafamentu halo tarde too iha Metinaro, hau konsege liu kareta barak, maibe to’o iha neeba, araska atu kumpre desizaun, neebe ema hotu hamutuk deside ona, atu lee biografia matebian Mauhuno,” dehan nia ba jornalista sira iha PN, Kuarta nee (29/09/2021).

Nia dehan, desizaun neebe fo atu lee nee sai husi Ministeriu Asuntu Kombatentes ho Estadu Maior.

“Hau sente katak, la kumpre lisaun ida neebe importante, nuudar alin ida, hau hakarak hato’o ultima mensajen ikus, liu husi preve biografia nee,” tenik nia.*

Reportajen: Domingas Soares 

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...