Bee Iha Sentru Saude Kelikai Laiha

KELIKAI, STLNEWS.co – Xefi Sentru Saude Kelikai preokupa ho bee neebe mak laiha iha fasilidade saude sira.

“Iha Sentru Saude Kelikai nee ita nia nesesidade importante mak bee, maibe iha fasilidade nee rasik laiha bee moos, bainhira tempu udan bele dada husi komunidade sira, maibe tempu bai loron nee bee laiha,” dehan Xefi Sentru Saude Kelikai, Salomão Salustiano Gama ba jornalista sira iha Sentru Saude Kelikai Munisipiu Baukau, Kinta (23/11/2023).

Nia dehan, iha fasilidade saude sira neebe mak iha Kelikai nee laiha hotu bee, maski iha instalasaun bee nee iha hotu, maibe bee moos laiha.

“Bainhira pasiente sira mai, liu-liu inan isin rua sira mai partus nee, bee laiha, entaun ba kuru bee iha vizinhu sira neebe mak iha bee nee hodi fo ita nia inan isin rua sira uza,” tenik nia.

Nia dehan, bainhira bee laiha nee difikulta tebes ba pasiente sira nomos profesional saude sira.

Xefi Suku Baguia Hermegildo Ximenes informa, konaba bee moos nee laos iha sentru saude nee deit mak laiha.

“Maibe iha postu saude sira mos laiha, inklui komunidade barak mak seidauk asesu ba bee moos, laos dehan bee iha mak ita nia governu la dada, maibe bee iha Kelikai mak menus duni,” katak nia.

(nat)

LEAVE A REPLY

Please enter your comment!
Please enter your name here