Bee Menus, Agrikultor Maliana Labele Hasae Produsaun

MALIANA, STLNEWS.co – Povu agrikultor iha Munisipiu Bobonaro, Postu Administrativu Maliana, labele hasae produsaun ai-han, tanba problema bee no kondisaun irigasaun Maliana 1 ho Maliana 2, labele fornese bee ba agrikultor nia toos ho natar, tanba kondisaun irigasaun aat.

“Ami hakarak halo toos ho natar tuir modernu, ka tinan ida produs dala rua, maibe problema neebe ami hasoru mak bee laiha, maske iha irigasaun boot rua, Maliana 1 ho 2, maibe fornese bee ladun to’o ba komunidade sira nia toos ho natar, tanba iha Maliana povu maioria moris hanesan agrikultor, tan nee husu ba govenru atu aumenta tan irigasaun,  no hadia irigasaun halo diak,” kestaun nee fo sai husi povu agrilultor Evaristo Viegas ba STL Sabadu horiseik (09/10/2021) iha Maliana.

Nia afirma, natar iha Maliana laran nee deit kuaze hektares rihun resin, tanba nee irigasaun rua neebe iha la to’o atu fornese bee ba toos ho natar, agrikultor barak mak tinan ida produs dala ida, maibe iha balun neebe badinas tinan ida produs dala rua, ka tuir sistema moderen, tanba bee laiha implika ba produsaun mos menus.

“Agrikultor barak mak halerik, tanba bee la to’o ba natar sira neebe halo iha ninin liu, bee la tama ba, tan nee husu ba govenru, se bele halo jestaun neebe diak ba irigasaun rua nee, atu nunee bee bele too ba agrikultor sira nia natar, nunee to’o tempu kolleita karik, bele kolleita hotu, labele soe balun no kolleita balun,” dehan nia.

Tuir nia katak, Ministeriu Agrikultura tuun ona iha baze hodi halo survei ba irigasaun no agrikultor sira nia natar, sira neebe bee la kona sai aat hotu nee, maibe to’o agora seidauk iha asaun politika govenru nian atu hasae produsaun rai laran, redus importasaun, maibe realidade problema kiik neebe agrikultor sira hasoru iha baze, govenru la toma atensaun, oinsa atu hasae produsaun. Tanba povu Maliana maioria moris hanesan agrikultor, tanba nee povu Maliana la konsume foos importasaun, maioria han foos lokal, tanba povu badinas halo servisu.

Tuir obrsevasaun STL nian iha terenu haree katak, hare balun foin kolleita ka koa, no batar foin atu isin, maske bee sai difikuldade boot ba agrikultor sira, maibe agrikultor neebe badinas bele servisu, tinan ida sira bele kolleita dala rua.*

Reportajena: Madalena Horta

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...