CAC Halo Introdusaun Ba Lei Nu. 7/2020

BAUCAU, STLNEWS.co – Komisaun Anti Korupsaun (CAC – sigla portugues) halo introdusaun ba lei nu.7/2020 iha Baucau, neebe mak hetan ona publikasaun jornal da republika iha loron 22 fulan Fevereiru tinan 2021 nee.

“Hasae konesimentu ba ajente publiku sira konaba ba lei, medidas prevensaun kombate korupsaun,” dehan Komisiariu Komisaun Anti Korupsaun, Sergio de Jesus Fernandes da Costa ba jornalista iha salaun sentru konvensaun Baucau, Vila Antiga, Kuarta nee (25/08/2021).

Nia hatutan, liu husi dezaminasaun nee atu halo introdusaun ba ajente publiku sira konaba lei nu.7/2020 neebe mak hetan ona publikasaun iha jornal da republika, hahu vigor iha loron 22 fulan Fevereiru tinan 2021.

Lei ida nee iha atu halo medidas konaba deklarasaun rendimentus bens intereses nian, liu – liu ba ajente publiku estadu sira, hahu husi Prezidente Republika, Primeiru Ministru, membru Governu, Autoridade Judisiariu sira hanesan husi Prezidente Tribunal Supremu too Juiz no Prokurador ho Defensores Publiku sira, no mos ba ajente funsionariu publiku sira neebe iha linas ministeriais sira ba direira no indireita.

Nia hatete, la kleur tan, sei tama ba aprezentasaun no deklarasaun rendimentus bens intereses neebe sei halo arolamentu ikus iha fulan Setembru tinan nee, ba tinan oin sei halo mos aprezentasaun anualidade kada tinan ba ajente funsionariu neebe afetadu hanesan ba lei Medidas Prevensaun Kombate no Korupsaun (MPCC).

Nunee Komisaun Anti Korupsaun diresaun prevensaun no sensibilizasaun, haklean nafatin informasaun ba ajente funsionariu sira, atu kontinua fasilita funsionariu sira nia konesimentu ba presta prepara deklarasaun sira ba inventarismu riku soin ho kargu diresaun instituisaun iha nasional no mos iha nivel munisipiu, nunee bele fasilita ajente funsionariu sira halo deklarasaun priensementu, rendimentus bens impresas nian.

Iha fatin hanesan, funsionariu Provedoria Direitus Humanus no Justisa (PDHJ) delegasaun teritorial Baucau, Agapito Rodrigues de Fatima apresia  ba lei Nu.7/2020, neebe koalia konaba Medidas Prevensaun no Kombate Korupsaun.

Nia hatutan, lei nee hatete klaru ona, ba funsionariu sira liu – liu ba kargu xefea sira atu deklara riku soin, molok sae ba asume kargu importante ida, no mos depois remata husi kargu xefe ba publiku no estadu nunee ema hotu bele hatene tuir.*

Reportajen: Tomas Reis

Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: