CFHD Apoiu Nesesidade Bazika Ba Feto Maluk 50

BAUCAU, STLNEWS.co – Sentru Feto Haburas Dezenvolvimentu (CFHD) Baucau fo apoiu nesesidade bazika ba inan kbiik laek, inan faluk no feto maluk sira neebe mak laen abandona, hamutuk nain lima nulu (50) husi suku lima (5) iha Postu Administrativu Baucau Villa.

Lia hirak nee hato’o husi Diretora Sentru Feto Haburas Dezenvolvimentu (CFHD), Tereza Pereira ba STL bainhira remata asaun karidade iha Suku Caibada, Kuarta nee (13/10/2021).

Nia hatete, realidade hatudu iha Munisipiu Baucau, feto maluk barak mak laiha kbiit, nunee iha programa espesifiku CFHD nian, atu haforsa ekonomia ba feto vulneravel sira neebe mak identifika ona.

“Ami nia programa rekuperasaun ba feto kbiit laek sira, liu – liu inan feto sira neebe laen abandona no inan faluk sira,” dehan nia.

Nia hatutan, relasiona ho implementa Serka Sanitaria (SS) iha Munisipiu Baucau antes nee, fo impaktu tebes ba inan faluk sira, feto maluk sira neebe mak laen abandona nomos feto maluk vulneralvel sira, susar atu hetan ai-han iha momentu neeba, tanba nee CFHD ho inisiativa rasik iha tempu nee, foo apoiu ai-han bazika ba sira atu bele aguenta loron ida rua nian.

Ba programa nee, CFHD fo apoiu ba inan faluk, feto maluk neebe laen abandona, no feto vulneravel sira hamutuk lima nulu ( 50) husi suku lima, iha Postu Administrativu Baucau Vila.

Iha fatin hanesan, benefisiaria Terezina Desa hanesan inan kbiit laek hatete, nia parte hanesan servisu toos nain no rezultadu husi toos hanesan modo sira nee, mak foin nia faan hetan netik osan oituan hodi sosa aihan, maibe durante estadu implementa SS iha Munisipiu Baucau, nia parte susar atu hetan rendimentu.

“Situasaun SS nee halo hau triste tebes, tanba hau la hetan rendimentu, hau laiha hahan, hau mos laiha osan atu sosa foso,” nia konta.

Dadaun nee nia hetan apoiu husi CFDH, nia parte sente kontente ho apoiu nee, tanba bele aguenta ona ba loron balun nian.*

Reportajen: MJ-1

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...