CNE Iha Prinsipiu Ba Eleisaun Prezidensial

BAUCAU, STLNEWS.co – Komisaun Nasional Eleisaun (CNE – sigla portugues) iha ona prinsipiu ba eleisaun presidensial, neebe atu halo iha tinan oin, tanba iha lei konstitusional preudikamente kada tinan lima tenke realiza eleisaun.

Lia hirak nee hato’o husi Presidente CNE, José Augustino da Costa Belo ba jornalista, bainhira realiza enkontru orgaun eleitoral ho autoridade relevantes sira iha Munisipiu Baucau, ba preparasaun eleisaun prezidensial tinan 2021 iha salaun apuramentu Tirilolo Baucau Vila, Tersa nee (05/10/2021).

Tuir prezidente nee, atu iha Covid-19 no laiha Covid-19 mos, CNE iha ona planu, situasaun Covid-19  nee aumenta makaas, CNE iha ona alternativu no prinsipiu realiza eleisaun prezidensial nee.

“Prinsipiu ita nian eleisaun tenke lao, tanba ita nia konstitusional dehan preudikamente tinan lima, tinan lima tenke eleisaun,” dehan nia.

Nia hatutan, atu substitui ema ida sai prezidente, presiza eleisaun mak determina, tanba prezidente nia knar laos hanesan diretor, maibe prezidente hanesan aman ba nasaun no ba povu Timor tomak.

Iha fatin hanesan, Diretor Jeral STAE Manuel Branco hatete, atu realiza eleisaun prezidensial iha tinan oin, presiza involve mos parte Ministeriu Saude no parseiru internasional sira, atu fahe esperensia konaba realiza eleisaun iha tempu pandemia nia laran.

Eleisaun neebe realiza iha tinan oin sei iha diferente boot, tanba partisipa iha eleisaun nee to’o iha sentru votasaun, sidadaun idak – idak sei prepara rasik maskara, hand sanitizer, no iha sentru votasaun mos seguransa sira sei uza termo scanner, hodi koko ema nia temperatura.*

Reportajen: Tomas Reis

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...