CNRT Sei Prepara Kandidatura Ba PR

MALIANA, STLNEWS.co – Partidu CNRT sei prepara nia figura hodi avansa ba kandidatura Prezidente Republika tinan 2022 to’o 2027, kandidatura nee bele mai husi partidu rasik ou bele mos husi fatin seluk, karik mai husi fatin seluk mak Prezidente Partidu CNRT, Kay Rala Xanana Gusmao sei hamriik iha kandidatu nee nia kotuk, hodi luta ba eleisaun prezidensial, atu nunee bele hadia povu nia moris.

“Ami seidauk fo sai Partidu CNRT atu fo apoiu ba se, tanba sei liu husi konferensia nasional, kandidatura neebe CNRT atu apoiu nee, bele mai husi Partidu CNRT rasik, ou bele mai husi partidu seluk, karik mai husi partidu seluk, mak Prezidente Partidu CNRT Kay Rala Xanana Gusmao sei  hamriik iha ema nee nia kotuk hodi avansa ba oin, tanba mehi CNRT nian mak atu hadia povu nia moris,” dehan Adjuntu Sekretariu Jeral Partidu CNRT, Francisco Guterres ba STL Sabadu horiseik (09/10/2021) iha Munispiu Bobonaro, Postu Administrativu Maliana, Suku Lahomea, Aldeia Genuhaa.

Nia katak, to’o ona tempu CNRT sei avansa ho nia kandidatura ida, Prezidente Partidu CNRT sei hamriik iha ema nee nia kotuk, halo kampana ho nia, atu nunee CNRT bele manan iha eleisaun prezidensial, tan nee eventu importante neebe sei rezolve problema barak.

Iha fatin hanesan, Deputada Maria Bareto mos hatutan, Partidu CNRT agora matan mos ona, tanba uluk maun boot Xanana hamriik iha ema nia kotuk hodi halo kampana, ikus mai ema nee sai tiha Prezidente Republika,  no haluhan tiha apoiu Xanana nian, tanba nee eleisaun ida neebe sei mai Partidu CNRT sei haree didiak nia ema.

“Hau hanoin Partidu CNRT lakohi sai vitima ba beibeik, tanba nee eleisaun prezidensial ida nee, ita sei deside ita nia kandidatura ida liu husi konfrensia,” dehan deputada nee.*

Reportajena: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...