Dadur Feto 20 Iha Prizaun Gleno

DILI, STLNEWS.co – Oras nee dadaun iha dadur feto nain 20 , no nain 3 mak halao hela tratamentu saude iha prizaun Becora.

“Aktual agora nee iha prizaun Gleno iha dadur feto nain 20, no nain tolu mak halao hela tratamentu saude iha prizaun Becora,” dehan Diretor Prizaun Gleno, Nito dos Santos, ba STL liu husi telefone, Kuarta (25/08/2021).

Nia hatutan, iha mos guarda prizional nain 35 inklui diretor, neebe halao knaar hodi haree ba dadur sira neebe iha prizaun laran.

Nunee iha prizaun Gleno kumpri nafatin regra neebe Ministeriu Saude fo sai, fase liman uza maskara atu prevene an husi moras neebe iha.

Tuir dadus neebe iha hatudu katak, numeru dadur feto aumenta iha prizaun Gleno. Tanba iha loron 10 fulan Agostu 2021, STL halao entrevista ho diretor hatudu katak, dadur iha prizaun Gleno iha 108, husi numeru nee dadur mane 90, no feto 18. Maibe ohin loron dadur feto aumenta, sae ba nain 20.

Nia hatutan, haree ba numeru Covid-19 neebe kada loron aumenta, dadur sira iha prizaun simu vasina, atu prevene an husi pandemia nee.

“Horiseik no horibainrua prizioneiru sira simu ona vasina, ami hamutuk 111 no iha 108 mak simu ona vasina,” dehan nia.

Nia hatutan, iha nain tolu mak la simu vasina, tanba moras komplikadu, no sira neebe simu ona vasina foin ba doze primeiru, no maioria vasina AstraZeneca.

Diretor nee dehan, guarda prizional iha nain 25 mak simu ona vasina, no nain 10 seidauk, nee iha nain 3 moras komplikadu, no nain 7 sei trauma ho rumoris neebe iha.*

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Hasoru Malu Ho Rhee In-Yong

DILI, STLNEWS.co - Prezidente Republika (PR), José Ramos Horta, halao enkontru ho Rhee In-Yong. Iha inkontru nee koalia konaba projetu responsabilidade sosial korporativa iha Timor...

MMT Introdus Planu MLC Ba Stakeholder

LIKISA, STLNEWS.co - Mary MacKillop Today (MMT) halao enkontru ho parte interesada (stakeholders) husi parte governu nia reprezenta, Rui da Costa Belo, Visi Prezidente...

Presiza Kuda Unidade Domin Maromak

UATULARI, STLNEWS.co - Joven mak futuru nasaun nian, tanba nee presiza kria pas no unidade Maromak nian iha sosiedade leet. Kestaun nee hatoo husi, Madre...