Dialogu Ho Povu, Laos Kontaktu Eleitoral

Prezidente Repúblika (PR), Francisco Guterres Lú Olo hahu halo dialogu ho povu Munisípiu Ermera, kona ba papel oinsa hakbesik aan ba povu, hodi rona preokupasaun hotu neebe sira hasoru laos halo kontaktu eleitoral. (Foto: Media PR)

ERMERA, STLNEWS.co – Prezidente Repúblika (PR), Francisco Guterres Lú Olo hahu halo dialogu ho povu Munisípiu Ermera, kona ba papel oinsa hakbesik aan ba povu, hodi rona preokupasaun hotu neebe sira hasoru laos halo kontaktu eleitoral.

“Dialogu ohin halo, iha kontekstu dialogu aberta ho povu tomak, diferenta kontekstu ida kontaktu eleitoral la hanesan, laos mos PR atu mai halo fikalizasaun ka atu hola medidas ruma kona ba autoriedade no komunidade sira halo, nee hatudu katak PR hakarak rona direta saida mak ita bot sira senti hakrak no senti,” hatete PR Lú Olo.

Xefe Estadu hatutan Prezidente Republika lori membru governu sira, laos atu manda sira, maibe atu koopera ho sira, iha nivel nasional, atu hola liafuan, tuir knaar idak idak nian, maka dialogu nee hahu.

“Hau hakarak loke dialogu nee kontekstu tolu, ida agrade ba autoriedade munisipiu Ermera organiza dialogu nee, segundu agradese ba populasaun sira hola parta iha dialogu, ida seluk mak dezafiu estadu nian hodi reafirma estadu nian, ikus liu mak situasaun ekonomia ermera nian,” Xefe Estadu afirma.

Iha biban nee Prezidente Republika (PR), Francisco Guterres Lú Olo hahu manifesta nia hanoin katak Parlamentu Nasional (PN) sei aprova OJE 2021 nian.

“Governu nee halo tiha ona ninia planu ba rekoperasaun ekonomia ba rai ida nee, neebe Orsamentu Jeral Estadu (OJE) tinan fiskal 2020 nian pasa tiha ona no hau aprova ona, agora ida tan OJE 2021 nian neebe Parlamentu Nasional (PN), sei halo hela audiensia publika para rekolla ema hotu nia hanoin depois ikus mai debate no aprova iha PN,” dehan PR Lú Olo*

Reportajen: Emerenciana Pinto
Editor: Carme Ximenes

LEAVE A REPLY

Please enter your comment!
Please enter your name here