Dom Basilio: Agradese Jorge Nia Apoiu Ba TL

BAUCAU, STLNEWS.co – Bispu Dioseze Baucau Dom Basilio do  Nacimento hatete, agradese ba Timor Leste nia belun diak Jorge Sampaio neebe fila hikas ona ba Nai nia kadunan Santu.

Dom Basilio hato’o kestaun nee ba STL bainhira remata dada lia ho STL iha Igreja Katedral Baucau Vila Antiga, Segunda nee (13/09/2021).

Bibi Atan Kreda Katolika nee hatutan, Prezidente Jorge Sampaio mos kontribui makaas ba Timor Leste nia independensia liu husi book mundu internasional sira.

“Sim la hasai idak – idak nia, sira Frente Klandestina, Armada, Diplomata buat hirak nee iha sira nia fatin, maibe ita bele dehan hirak neebe dudu ikus liu nee guvernu Portugues, depois mak book ho mundu internasional,” hatete Bispu Basilio.

Dom Basilio hatutan, buat neebe hanoin sira kombina iha loron 5 fulan Maiu atu koalia konaba referendum, nee defaktu buat nee sai duni realidade.

Nia dehan, maske sente triste tanba lakon TL nia belun diak, maibe ida nee mos dalan ida iha mundu moris sei mate, maibe presiza agradese ba nia diak liu husi sakrifisiu sira hotu.

“Ita bele dehan, ita hanesan ema dalan mak ida nee duni, atu mate lalais ka atu mate kleur dalan mak ida nee, maibe hau hanoin buat ida naran agradesimentu ba ema hirak neebe iha nia vida tulun ita, atu ita bele hetan situasaun diak hodi bele hetan liberdade,” katak nia.

Lider masimu Igreja Katolika Dioseze Baucau afirma, bele dehan independensia Timor nian nee deve buat lubuk ida ba Portugal nomos komunidade internasional, ba ema sira nee Bispu destaka Presidente Sampaio i Primeiru Ministru neebe ke ohin loron sai sekretariu Jeral Nasoins unidas nee mos Timor Leste belun boot ida.

Bispu haktuir, natoon nee ema ida nein mehi katak Timor atu sai independente liu tinan lima, nee duni nia liafuan ida nee Bispu sei rai, tanba nia mai primeira vez mai iha 2000 nia dehan ba Bispu.

“Sei hanoin ita nain rua nia koalia iha Palasiu Prezidensia Republika hau dehan sim, hau sei hanoin hau laos sarani maibe naton hau hatete buat ke hanoin katak, hau bele sai profeta konaba Timor nia destinu, depois loos duni prezidente sira Portugal nian Primeiru Ministru dezde Mario Soares mai, ema hirak nee hotu ita bele dehan idak – idak tau nia fatuk hodi harii Timor nee nia independensia,” katak nia.

Bispu hatutan, kuandu Indonezia sai iha loron 4 fulan Setembru akontese sunu uma no estraga sasan sira Jorge sei kontaktu nafatin ho Bispu.

Jorge mos hatete, ba Bispu nee katak, komunidade internasional bele halo deit buat ruma bainhira Prezidente Indonezia nian deklara, Timor iha estadu emerjensia.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: