DPS Sensibiliza Informasaun Vasinasaun

BAUCAU, STLNEWS.co – Departementu Programa Saude (DPS) Munisipiu Baucau halo advokasia ho Diretores eskola sira atu sensibiliza informasaun relasiona vasinasaun ba moras Covid-19.

“Halo advokasia ba Diretor eskola hahu husi ensinu baziku, sekundaria geral no tekniku vokasional atu hetan apoiu masimu husi diretor, atu nunee sira sensibiliza no fo informasaun kona ba halo vasina ba moras Covid-19 iha Munisipiu Baucau,” dehan Xefe Departementu Programa Saude Munisipiu Baucau, Cristiano Cipriano Belo ba jornalista iha Ospital Riamari, Kuarta (19/05/2021).

Nia hateten, parte edukasaun mos importante ida, tanba liu husi parte edukasaun bele fahe informasaun ba estudante sira, no estudante sira bele fahe tutan ba komunidade sira, nunee komunidade sira labele tauk no lalika fiar lia bosok.

Cristiano hatutan, vasinasaun ba segundo faze em jeral hahu husi tinan 18 tenke simu hotu vasinasaun Covid-19, tanba vasinasaun mak bele prevene ema nia vida husi moras Covid-19.

Nia husu ba komunidade keta fiar informasaun falsu, tanba vasinasaun nee diak no halo prevensaun ba moras Covid-19, tan nee komunidade hotu koopera no kontribui parte saude sira atu nunee bele salva ema nia vida iha nasaun ida nee.

Nia husu ba komunidade keta fiar informasaun falsu, tanba vasinasaun nee diak no halo prevensaun ba moras Covid-19, tan nee komunidade hotu koopera no kontribui parte saude sira atu nunee bele salva ema nia vida iha nasaun ida nee.

Advokasia nee sei implementa mos iha nivel postu administrativu no suku sira depois iha suku sei indetifika ema nain lima atu tama sai komunidade nia uma fahe informasaun konaba vasina Covid-19 mak oinsa nunee komunidade labele fiar lia bosok.

Iha fatin hanesan Xefe Departementu Servisu Edukasaun Munisipiu Baucau, Augusto Ornai Ximenes hateten, vasina nee importante tebes ba komunidade edukativu sira tanba profesores sira mos konsidera hanesan lina frente.

“Tanba sira hasoru estudante sira, entaun hakarak ka lakohi maluk profesores sira presiza mos hatene informasaun pozitivu konaba vasina AztraZeneca, tanba vasina AstraZeneca hanesan informasaun neebe saude fo laos atu kura maibe fo imunidade ba ema atu oinsa bele tahan atake moras Covid-19 nian,”.

Nia agradese ba parte saude sira neebe mak konvida ona diritivas eskola sira simu informasaun pozitivu liu husi programa advokasi nee, maske diritivas eskola marka prezensa haat nulu resin rua (42), maibe sira sei fahe informasaun ba maluk profesores hotu no mos hatutan informasaun pozitivu ba estudante sira.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MEJD Planu Sei Harii Tan Eskola

DILI, STLNEWS.co - Ministru Edukasaun, Juventude, no Desportu (MEJD), Armindo Maia hateten, tinan nee governu liu husi MEJD sei harii tan eskola hamutuk 250...

Aimoruk La Too, Komunidade Buruma Balun La Vasina

BAUCAU, STLNEWS.co - Komunidade iha Suku Buruma antusiasmu tebes atu simu vasina kontra Covid-19, maibe aimoruk la sufisiente, nunee balun deit mak simu vasina...

Reativa Eskola Iha Baucau Sei Marka Audensia Ho MEJD

BAUCAU, STLNEWS.co - Diretor Servisu Munisipal Edukasaun, Juventude, no Desportu (SMEJD) Baucau, Segunda semana oin sei marka audensia ho Ministeriu Edukasaun, Juventude, no Despostu...
%d bloggers like this: