DILI, STLNEWS.co – Eletrisidade iha Munisipiu Aileu mate kalan, tanba nee deputadu sira iha Parlamentu Nasional (PN) husu atu governu toma atensaun.
Kestaun nee hatoo husi Deputadu Bankada FRETILIN, José Paicheco katak, eletrisidade iha Camea nee distribui ba Aileu ho Ermera, maibe iha semana rua nia laran, iha selebrasaun semana paskua liu ba nee ahi mate lakan.
“Iha Ermera hau ladun hatene, maibe iha Aileu iha selebrasaun paskua nee kuaze kalan ida mate lakan dala 2, no loron bele mate lakan dala 3, nee hahu kedas selebrasaun iha loron paskua,” dehan nia.
“Tuir informasaun katak, kapsidade makina ida iha Sentru Camea nee kapasidade kiik, mak impaktu ahi mate lakan, se bele troka tiha ho kapasidade neebe boot atu labele impaktu ba ahi mate lakan,” katak José Paicheco, Kinta horiseik (28/04/2022) iha PN.
Deputadu nee dehan, se karik loos duni kapasidade makina nee mak kiik impaktu ba ahi mate lakan, diak liu troka tiha para bele fornese naroman ba komunidade sira ho diak hodi labele mate lakan.
(gui/mad)
