Estrada Kotu Total, Ameasa Sede Suku Libagua

BAUCAU, STLNEWS.co – Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo ameasa mos ba Sede Suku Libagua ho metru 50 no fo risku boot mos ba komunidade balun nia uma. Informasaun nee hatoo husi Xefe Suku Libagua, Francisco de Carvalho Gama ba STL liu husi telefone, Sabadu (15/05/2021).

“Iha Suku Libagua dezastre uma laiha, maibe estragus mak iha estrada diresaun Larifanu too iha igreja Samalaria nee mak kotu total, estrada husi Larifanu nian mos kotu, ida sae ba sede suku nian mos kotu too iha metru 50, fo risku ba komunidade nia uma husi Suku Libagua nian, tanba momentu udan nee halo estrada monu no mos fo ameasa ba komunidade nia uma,” nia dehan.

Nia hatutan, parte ekipa husi Ministeriu Obras Publiku Munisipiu Baucau tun diretamente haree ona dalan neebe mak hetan estragus, tanba fatin nee fo risku boot ba komunidade nia hela fatin.

Xefe Suku nee hateten, kona ba atu hadia hikas fali dalan neebe mak hetan estragus iha loron 4 fulan abril liu ba, seidauk iha promesa ruma husi parte relevante sira nunee sira hein deit bainhira los mak halo reabilitasaun ba dalan neebe mak kotu.

Nia parte haruka ona pedidu urjente ba Postu Administrativu Laga no parte relevante Ministeriu Obras Publiku Munisipiu Baucau, atu hadia urjente nunee labele fo impaktu ba komunidade sira iha suku neen pretense ba Postu Administrativu Laga no mos ba komunidade sira iha Postu Administrativu Baguia tomak, tanba dalan neebe mak agora dadaun kotu, Postu Administrativu Baguia mos asesu.

Francisco husu ba ukun nain sira presiza halo normalizasaun lalais ba estrada nee, tamba defikulta tebes komunidade nia movimentu wainhira presiza nesesidade urjente ruma.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: