Estrada Rotunda Vila Nova Kondisaun Grave

BAUCAU, STLNEWS.co – Estrada diresaun rotunda Vila Nova Baucau Vila, kontinua sai preokupasaun ba motorista sira, tanba dadaun nee kondisaun grave, presiza tau atensaun.

“Durante iha estrada ida nee kareta no motor barak mak monu ona iha nee depois ema mos mate iha nee, nunee ami triste tanba ami nia estrada halo oinsa mak bele diak, tanba ida nee iha kapital laos iha suku ka aldeia maibe ida nee iha dalan publiku,” dehan motorista Mateus Martins ba jornalista iha rotunda Vila Nova Baucau, Kinta (15/07/2021).

Nia hatutan, iha dalan aat nee kareta ho motor ka kareta ho kareta sempre hadau dalan diak, no mos wainhira kareta mikrolete sira tula pasajeirus nakonu dala ruma forsa laiha bele hakiduk fali ba kotuk too estraga komunidade sira nia kios neebe hela besik iha fatin nee.

Antes nee mos motorista nain rua (2) mak mate ona iha fatin nee wainhira kareta halai tuir travaun laiha ruzulta motorista lori motor nee mate.

Mateus husu ba nain ulun sira atu tau matan ba dalan nee, tanba dalan nee laos iha suku ka ladeia balun, maibe dalan nee dalan publiku, ema barak mak asesu iha dalan nee.

Hatan ba preokupasaun nee Diretor Obras Publiku Munisipal Baucau, Pedro Alexandre Guterres Pereirra hateten, iha loron 21 fulan Junnu tinan 2021 hamutuk ho Prezidente Autoridade hatama ona pedidu ba Ministeriu Obras Publiku (MOP) no mos halo ona kopia ba Primeiru Ministru (PM) no Vice Primeiru Ministru, maibe too agora hein responde proposta nee mais nafatin la klaru.

Husi planu estimasaun neebe mak iha ho orsamentu montante US$1,857,934.46 ba 3.5 km, maibe nafatin hein deit, tanba kompetensia iha nasional nia liman.

Nia hatutan, dadaun nee iha ona planu hamutuk ho Prezidente Autoridade no mos administrador postu nian ba osan neebe mak postu iha, temporalmente sei taka ho semente balun, hanesan iha rai tetuk sei ateru ho rai mutin kahur ho rai henek.

“Osan neebe mak ita nia postu iha mao de obra iha, ita bele temporalmente ka provizoriumente taka tiha, iha neeba ita bele sumente balun ka plan balun depois iha tetuk sira nee ita bele ateru tiha rai mutin ruma kahur ho rai henek” hateten diretor nee.

Diretor nee kontinua preukupa ba dalan Rotunda Vila Nova Baucau nian, tanba antes nee sidadaun nain rua mak mate ona iha fatin nee.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: