Fatin Ba Juiz La Sufisiente

DILI, STLNEWS.co – Kondisaun Tribunal Distrital Baucau, bele dehan seidauk sufisiente, tanba fatin ba juiz sira seidauk too.

Tuir Juiza Administradora Tribunal Distrital Baucau, Jumiaty Maria Freitas katak, Tribunal Baucau iha Juiz nain neen, sira mos iha kompetensia espesializada ona, juiz nain rua kaer prosesu sivil, no juiz nain haat kaer prosesu krime, tanba nee sira nia kompetensia laos hanesan uluk jenerika, maibe espesilizada ona. No kondisaun tribunal maka la dun sufisiente.

“Ami nia kondisaun nee realidade tebes, tanba ami nia kondisaun agora ami nia fatin juiz sira atu uja nee la too, ate agora juiz ida nia labele mai iha juiz nia gavinete, tanba la iha deit instlasaun ida neebe diak, no juiz nee tenke permanente iha seksaun sentral nia fatin,” dehan Jumiaty ba STL liu husi telefone Segunda (31/05/2021).

Juiza nee hatutan, fatin ida neebe ba gabinete juiz nian, sira labele instala gavinete juiz, tanba la iha kondisaun ba nian atu halao servisu. Tanba nee agora dadaun nia uja hela seksaun sentral nia gavinete ida, neebe uluk tau servisu esternu hodi halo notifikasaun, agora nia maka uja fali.

Nunee, ho juiz nain neen neebe iha, bele dehan numeru la sufisiente, maske sira iha kompetensia espesializa, maibe agora juiz nain rua ba tiha sivil, haat ba tiha krime, sira iha krime iha kolektivu haat, sivil kolektivu rua, sira tenke taka ba mai.

Tanba nee, hanesan husi krime nian tenke ba enkaiza iha sivil nian, tanba kolektivu tolu. No juiz nain rua neebe kaer prosesu sivil nee, sai mos hanesan juiz adjuntu ba iha prosesu krime.

Nia parte mos, hatoo rekomendasaun katak, presija kria kondisoins neebe diak atu sira bele servisu konfortavel, tanba na realidade bele dehan tribunal Buacau la iha kondisoins, tanba iha seksaun sivil no seksaun krime nee, funsionariu sira tuur kuaze nain walu maka iha laran, gavinete neebe kiik, ho prosesu neebe barak, sala objeitu mos la too.*

Reportajen: Terezinha de Deus
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: