Feto 50% Sai Ona Kontratores Ou Nain Ba Kompania

BAUCAU, STLNEWS.co – Sai kontratores ou nain ba kompania hodi halo rehabilitasaun ba estrada, laos mane deit maibe iha 50% mai husi feto.

Tuir Jestor Programa ba Dezenvolvimentu Rural Delegasaun Uniaun Europeia, Dulce Gusmao ba STL Kinta nee (28/10/2021) iha Postu Administrativu Baguia hatete, ohin loron iha ona mudansa signifikativu no feto hahu hatudu nia kapasidade iha ona area importante sira, no realidade hatudu 50% feto sai ona kontratores ou sai nain ba kompania sira.

Jestor Programa nee hatete, husi projetu ERA / ILO tuir treinamentu molok rehabilita estrada tuir formasaun no treinamentu iha Don Bosco no IADE, depois selesaun sira hodi halo servisu husi kontrator neebe ERA hili husi 34 kontrator 50% i kompania nain sira feto

“50% kompania nain sira nee mai husi senhora feto sira, bainhira implementa servisu ida nee, ita traballador maizoumenus quatro mil i ital no cem mil traballador nee feto iha munisipiu haat,” dehan nia.

Nia hatutan, iha tempu uluk ema neebe mak kaer kompania so mane deit, maibe ho formasaun no kapasitasaun neebe mak iha hatudu katak, feto lubuk mak involve an ona iha kontrator.

“Hau sente hanesan ezemplu ida iha area kontrusaun estrada, buat ida difisil uluk ita dehan, mane sira mak bele halo, maibe ho formasaun neebe fo hatudu feto sira mos hatudu no implementa ona iha area kontrusaun, no rezultadu husi observasaun neebe ami iha, feto sira implementa projetu nee ho diak liu” dehan nia.*

Nia akresenta tan katak, bainhira feto iha oportunidade kaer poder bele halo mudansa signifikativu ba iha nasaun.

Iha fatin hanesan, Embaixador Uniaun Europeia ba Timor Leste, Andrew Jacobs, hatete nia sente kontente tanba iha rehabilitasaun estrada rural iha feto barak servisu ba kontrator, no barak traballador feto.

“Importante ba Uniaun Europeia atu mantein nafatin igualidade jeneru iha projetu nee, iha posibilidade ekonomiku ba feto sira, ami kontente ho organizasaun traballu fo oportunidade no posibilidade ba feto iha zona rural,” dehan Embaixador ner.

Embaixador hatutan, projetu sira husi kontrator 34 nee, 50% husi feto no traballador 30% husi feto.

(eme)

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...